Шошо-кеҥеж жаплан ямде улыт

Шошо-кеҥеж жаплан ямде улыт

21 мартыште районыштына ятыр мероприятий эртаралтын. 9 шагат эрдене район администраций зданийыште чрезвычайный ситуаций да пожарный безопасность шотышто комиссийын черетан заседанийже эртен.

Тушто тыгай йодыш-влак тарваталтыныт: вӱдшор жаплан БТП РСЧС-н Мишкан звеножым да техникым ямдылымаш; шошо-кеҥеж жаплан добровольный пожарный формирований, патрульный да патрульно-контрольный группа-влакым ямдылымаш.

10 шагатыште ДЮСШ-ште тренировочный пожарно-тактический учений эртен. Тушто районысо экстренный служба-влак участвоватленыт да пожарым йӧрташ ямде улмыштым тергеныт. Ученийын сценарийже почеш, пожарный да кид извещатель, связь средства-влакым, эвакуацийым эртарен моштымашым текшырыме, йоча-влакым лӱдыкшыдымӧ верыш эвакуироватлаш тунемме. Подразделенийын личный составше, аварийный службын участникше-влак, обслуживатлыше персонал задачым сайын шуктеныт.

11.00 шагатлан районысо Культура дворец ончылно РСЧС-ын Башкирский территориальный подсистемыжын Мишкан звеножын тӱрлӧ экшыкым кораҥдаш ямде улмыжым текшырыме шотышто смотр эртен. Смотрышто Мишкан звенон чыла службыжат участвоватлен: 87-ше ПСЧ, МВД отдел, ЦРБ, Мишкан газ участок, ветеринарный служба, РУС, РЭС, ПЖКХ да «СтройПроект» ООО. Нуно смотрышко чрезвычайный ситуацийлан ямде улшо техникыштым да спасательный группа-влакым намиеныт.

Мероприятийым салам шомак дене КЧС да ОПБ председатель В. Ханов, 87-ше ПСЧ начальник С. Вялов, ГО ЧС-н тӱҥ специалистше Д. Латыпов да Мишкан район муниципальный район администраций вуйлатыше Р. Мусин почыныт.

Тылеч вара спасательный служба вуйлатыше-влак задача-влакым шукташ ямде улмышт нерген увертареныт.

Смотр вӱдшор жапыште районысо служба-влакын тӱрлӧ эҥгекым кораҥдаш ямде улмыштым рашемден. Тылеч посна погынышо-влакым Башкортостан Республикын ЧС шотышто госкомитетше ойырымо прицепной, емкостный посна техника дене палдарыме. Тыгай техника сельский поселенийлаште пӱртӱс да илемласе техногенный пожар-влакым кӱчык жапыште йӧрташ ышталтын. У техника дене палыме лияш районысо сельский поселений вуйлатыше-влакым ӱжмӧ. Нунат эртыше мероприятийыште чолган участоватленыт.

С. ВЯЛОВ, 87-ше ПСЧ начальник.