Шошо агалан ямдылалтына

Шошо агалан ямдылалтына

Мемнан район гыч конференцийыште ял озанлык отделым вуйлатыше да отделын специалистше-влак, фермер озанлык-влак участвоватленыт.

Министерствым вуйлатыше республикыште ял озанлыкын состоянийже нерген ойлен, тыгак республикысе АПК-м вияҥдыме

стратегический корным палемден.

- Тений сай качестван шурнылан йодмаш кугу, пырчан шурно нерген ойлаш гын, 4 да 5 классан уржа ден шыдаҥым йодыт. Кодший рапслан йодмаш кугу ыле.

Тиде культурым мемнан дене Чишман МЭС перерабатыватла. Тиддеч посна рапсым перерабатыватлыме икмыняр инвестпроект Бакале, Балтач, Аскын районлаште улыт. Лишыл ийлаште рапслан йодмаш кугу лиеш. Мемнан регионлан тиде культура пеш

келшыше.

Министрын икымше заместительже Рамил Нуриахметов шошо агам эртарашлан государство могырым лийшаш полыш нерген

ойлен. Тиде полыш гектар чот дене, элитный урлыкашлан субсидий, минеральный ӱяҥдышлан субсидий, мландын шочыктышо вийжым аралаш, ял озанлык техникым налаш, культуртехнический мероприятийлан полыш пуалтыт.

Конференцийын практический ужашыже «Агро-Весна» ООО-што Чуваш-Кубово ялыште эртен. Озанлык вуйлатыше предприятийын улшо вийже дене палдарен, шошо агалан техникын ямде улмыж нерген да урлыкашын ситышын улмыжо нерген ойлен.

Ял озанлык отдел да фермер-влак шкаланышт шуко пайдам налыныт. Министрын кӱштымыжӧ да пошкудо район-влакын

опытышт шошо ага годым мемнан денат кучылталташ тӱҥалыт. Пасуш лекташ жап шуко кодын огыл. Таче мемнан ял озанлык пашаеҥна-влак шошо агалан техникым ямдылат. Самоходный да прицепной техника-влак техосмотрым эртат, ГСМ-ым, урлыкашым, протравительым, ӱяҥдышым налаш договор-влакым ыштат.

Шошо ага пашам сайын эртарен колтышашлан апрельыште Ленин лӱмеш колхозышто семинар-совещаний эртаралтеш. Мланде пашаеҥ-влаклан чытымашым тыланем, вет мландыште пашам ышташ пеш неле, тудо пояш тыршен огыл, а призваний, чон йодмо почеш шукталтеш.

В. МИХАЙЛОВ.