+17 °С
Облачно
Увер
31 Декабря 2020, 21:00
Шошо агалан ямде улыт
Ленин лӱмеш колхоз районышто ик эн кугу ял озанлык предприятийлан шотлалтеш. Колхозым Денис Осипов вуйлата. Колхозышто специалист-влак тӱҥ шотышто ситат.
Шошо агалан ямдылалтына
Колхоз ончычсо йӱла почешак ий еда тракторист-влакым туныктымо пашам намиен шога. Теният механизатор ден водитель-влак нылле шагаташ программа дене тунеммашым эртеныт. Тунемме программыште олмыктымо паша, трактор ден ял озанлык машина-влакым регулироватлыме, корнышто коштмо правил да правилыш пуртымо пытартыш вашталтыш-влак нерген ужаш-влак да агрономий ужаш лийыныт. Технический ужашым да ПДД-м Анатолий Камалиев туныктен. Тудлан озанлыкын специалистше-влак
Вячеслав Петров ден Зинаида Изилянова полшеныт. Тунемме курс деч вара аттестаций лийын, механизатор-влак сай шинчымашым ончыктеныт.
9 апрельыште колхоз трактор-влак техосмотрым эртеныт. Технический осмотрым районысо гостехнадзорын тӱҥ инженерже И. Карамов ден вӱдышӧ инженер И. Мустафин эртареныт. Трактор-влак шошо агалан ямде улыт. Механизатор-влак коклаште Юрий Ямурзиным, Эдуард Ямурзиным, Станислав Яметовым палемдаш лиеш.
А. АБУКАЕВ, ял озанлык отделын тӱҥ инженерже.
