Шочмо ялжылан ӱшанле

Шочмо ялжылан ӱшанле

1968 ийыште Совет армий радамыш налыныт. Сайын служитлымыжлан «За воинскую доблесть» медаль дене наградитлалтын. Армий деч вара шочмо кундемышкыже пєртылын, Белебей оласе ял озанлык техникумыш механизация и электрофикация сельского хозяйства специальность дене тунемаш пурен.

1973 ий самырык рвезын илышыштыже пале кышам коден - дипломым налын да ешым чумырен. Самырык, мотор туныктышо С. М. Шарипова дене мужыраҥыныт. Нуно икте-весыштым школышто тунемме жап гычак паленыт. Самырык ешыште ондак Светлана, вара Ильдар шочыныт. Ача-ава нуным туныктен луктыныт, высший образованийым пуэныт.

Шымлымше ийлаште колхозыш у специалист-влак толыныт. Колхоз председательлан Башкирский ял озанлык институтын выпускникше Фадис Валиев ышташ тӱҥалын. Ханиф Муллиновичым колхозын автомеханикшылан шогалтеныт.

Тӱҥалтыш жапыште неле лийын. Шофер-влак кугу опытан лийыныт, а тудо эше самырык, паша корныш шогалын гына. Но вашке гыч опытан шофер-влак самырык механикым пагалаш тӱҥалыныт. Нуно ужыныт, самырык еҥ уста, шке пашажым сайын пала, чын верч тырша, чылалан полшаш ямде улеш.

- Тиде жапыште колхозышто шоферлан ыштеныт - Мидхат Нурисламов, Барый Кашбуллин, Борис Ганиев, Мустафа Салямов, Тагир Фархутдинов, Даниф Саляев, Гаттар ден Искандар Насибуллинмыт, Дильфар Сафин да молат, - ойла юбиляр. - Варажым нунын радамыш самырык шофер-влак Ирек Гарипов, Марат, Ирик, Ревенер Ахметшинмыт, Венер Шайдуллин, Радик Якупов, Нуриман ден Ильшат Ситдиковмыт ушненыт. Коллектив икоян лийын. Икте-весылан полшен пашам ыштеныт сварщик Валерий ден токарь Марат Нуримхаметовмыт, электрик Раиф Арсланов.

1978 ийыште Ханиф Галиев колхозын тӱҥ инженерже лиеш. Паша план почеш шукталтын. Колхозышто тӱрлӧ маркан 16 автомашина, 24 трактор, 18 комбайн да моло техника шуко лийын. Автопарк изи, гаражыште йӱштӧ да чыла машиналан вер ситен огыл. Сандене шокшо гаражым чоҥаш тӱҥалыныт да тудым кӱчык жапыште ыштен шуктеныт. Механизатор-влаклан каныме пєлем келыштаралтын.

- Кажне кечын таҥасымашым иктешлыме. Агитатор-влак агитмассовый пашам шуктеныт, молний ден бюллетень-влакым, пырдыж газетым луктыныт. Тиде пашам моткоч сайын Масгут Закирович, Гарифьян Галиевич, Магдан Адыевич, Хатиб Ситдикович, Закий Идиятович, Рашида Рахбаровна, Фируза Хусаиновна, Сария Мусабиховна шуктеныт. Кугурня еда верысе радио пашам ыштен. Тиде сомылым Флюра Залисовна ден Борис Исламамутдинов намиеныт.

Ханиф Муллинович эре ответственный, чытамсыр, нойымым палыдыме еҥ лийын. Тудо поснак паша верыште лўдыкшыдымылык верч тыршен, сандене кажне еҥ деч безопасность техникым шукташ пеҥгыдын йодын, пашаеҥ-влакын тазалыкышт ден илышыштым аралышашлан кугу верым ойырен.

- Ту жапыште паша сутка мучко ышталтын. Механизатор-влак Наил Биктышев, Нурихан Салимгареев, Альфир Рахимов, Ильдар Гарипов, Расих Хабибуллин, Разяб Хаматнуров, Флюза Аматова йӱдшӧ-кечыже куралыныт, тырмаленыт, ӱденыт, шурным погеныт. Комбайн штурвал воктене опытан механизатор-влак шке полышкалышышт дене шинченыт. Тиде - Анас Шарипов, Раис Файзрахманов, Фанус Шайбаков, Рахимьян Ахметшин, Адип Шарипов, Варис Хабибуллин. Шурно идым йӱдшӧ-кечыже пашам ыштен. Кладовщик, весовщик-влак погымо шурнылан учетым ыштеныт. Тиде пашам почетный колхозник-влак, Кугу Отечественный сарын участникше Нурияр Шарипов, Амин Рахимов, Фагиль Хаматнуров шуктеныт. Озанлык пашаеҥ-влаклан эре шокшо кочкышым пукшеныт. Механизатор-влаклан пасу станыште культура пашаеҥ-влак концертым ончыктеныт. Нафиса Хадиевна, Хафиз ден Васих Гайсинмыт, Финат Шакирханович, Зиля Латыпова, Альфира Сафина, Геля Саитова, Зульфира Гакановна агитбригадын чолга участникше лийыныт. Нуно тыгак районысо, республикысе, элысе пытартыш увер-влак дене палдареныт.

Идалыкаш пашам иктешлен, Урожай пайремым эртарыме, ончыл колхозник-влакым наградитлыме.

Уржа-сорла деч вара чыла техникым аралаш асфальтироватлыме верыш шогалтыме. Ф. Валиев техникым аралыме да ямдылыме йодышлан пеш кугу верым ойырен. Вет ончылно шошо ага жап вучен.

Ханиф Галиев «Шады» колхозышто 30 ий пашам ыштен. Кажне пасум шкенжын вич парняже семын пала. Пашан ветеранже шочмо кундемже, тусо еҥ-влак верч тургыжлана. Вет ялыште самырык еш-влак шагалемыт, рвезе-влак вес кундемлашке пашам кычал каят, вет шочмо ялыште нунылан паша уке. Мланде оза деч посна кодын, ялыште петыралтше пӧрт-влак шуко улыт. Но ветеран илыш сай могырыш вашталтмылан ӱшанен ила.

Ханиф Муллинович КПСС член лийын, икмыняр гана сельсоветын депутатшылан сайлалтын, пашам сайын ыштымыжлан пеш шуко почетный грамота да диплом дене наградитлалтын, колхоз да район деч шергакан пєлек-влакым налын.

Пашан ветеранже - сай еш оза. Мӱкшым онча, моткоч чолга улеш. Шукерте огыл шкенжын 70 ияш юбилейжым палемден. Ватыж дене 45 ий пырля илат.

- Тиде мыйын ўшанле тылем, - манеш юбиляр. - Еш, родо-шочшо-влак, йолташ-влак, поро шарнымаш, шочмо мландым йєратымаш мыланем вийым пуэн шогат.

Ф. ФАИСХАНОВ, Кугу Шаде сельсовет СП-н тӱҥалтыш ветеран организацийын председательже.