Шочмо элым аралымаш – кугешнаш таратыше порыс

Шочмо элым аралымаш – кугешнаш таратыше порыс

Тидлан кӧра шочмо элым аралыше-влакым калыкна кеч-могай саманыштат моткоч кугун аклен да пагален илен. Акрет жапыште илыше тыгай еҥ-влакын лӱмышт историеш кодын огыл гынат, легендыш савырнен. Историй наука семын вияҥмеке, нунын лӱмышт лаштыклашкыже шӧртньӧ буква дене возалтын, манын кертына.

Революций деч вара, а элнан у историйже лач тиде событий деч вара тӱҥалын, Отечествым аралышын кечыже 23 февральыште

палемдалташ тӱҥалын.

Государство кызыт Россий армийым пеҥгыдемдыме да вияҥдыме верч ятыр вийым пышта: у сартарман-влак шоналтыт да ышталтыт, профессиональный армий чоҥалтеш, дисциплина пеҥгыдемдалтеш. Армий вияҥеш, кушкеш, тидын дене пырля авторитетшат кугемеш. Поснак – самырык-влак коклаште.

Ме шочмо элнан эрыкшым аралыше шкенан рвезына-влак дене чынжымак кугешнен кертына. Кодший Мишкан район гыч армийышке 90 еҥ каен: шошым – 52, шыжым – 38. Призывник-влакын утларак ужашыже Мишкан, Ардаш, Монар сельсовет сельский поселенийла гыч

улеш.

Райвоенкоматын данныйже почеш, призывникна-влакын утларак ужашыже Эрвел военный округышто служитла. Кодший 63 рвезына сухопутный войскашке логалын, 8 рвезына – центральный подчинений частьлашке, 7 – национальный гвардийышке, 4 – воздушно-космический войскашке, 4 – стратегический значениян ракетный войскашке, 3 – военно-морской флотыш, 1 – воздушно-десантный

войскашке.

15 еҥ контракт почеш служитлаш кумылаҥын, нунын кокла гыч 2 рвезе - колледж деч вара виклан, призыв почеш служитлыдеак.

Военнослужащийна-влак чыланат сайын служитлат, тидым частьла гыч толшо тауштыме серыш-влак пеҥгыдемдат. Тыгак кодшийсе кок выпускникна военный профессийым ойырен налын. Нуно Россий Федерацийсе Оборона министерствын высший военнообразовательный учрежденийышкыже тунемаш пуреныт.

Икмыняр шокшо шомакым районысо военный комиссариатын, «Путник» йоча-юношеский туризм, экскурсий да патриотический воспитаний рўдерын пашашт нергенат каласыде ок лий. Нуно армийыш кайышаш рвезе-влак коклаште военно-патриотический шўлышым вияҥдат, шочмо элнам аралаш кумылаҥдат, военный службылан кӱлеш семын ямдылалташ полшат.

23 февраль – военный-влакын веле огыл пайремышт, тиде кечын ме тыгак шкенан кочана, ачана, изана, шольына-влакым саламлена, вет нуно чыланат ала-кунам шочмо элнам аралыше-влак радамышке пуреныт але пурат.

Тидлан кӧра нунылан чылаштланат пеҥгыде тазалыкым, тыныс илышым да волгыдо, канде кавам тыланена.

Венера АГЛЯМОВА.