+13 °С
Облачно
Увер
31 Декабря 2020, 21:00
Шарнымаш кас
21 июньышто 22.00 шагат кастене Сеҥымаш мемориал воктене «Шарнымаш сорта» акций эртен
Шарнымаш кас
Мероприятий Кугу Отечественный сар тӱҥалме кечылан лӱмлалтын. Тыгай мероприятий районыштына уже кумшо гана эрта.
Кочашт ден кугезе кочаштым ушташ шарнымаш касыш ятыр еҥ толын. Самырык гвардеец-влак сорта-влакым шындылын «Помним» мутым возеныт. Нине сорта-влак пычкемыште мероприятий пытымешке йӱленыт.
Акций годым погынышо-влак ончылно шарнымаш шомакым Мишкан район МР администраций вуйлатышын кадр да социальный йодыш-влак шотышто заместительже Л. Александрова, Мишкан район муниципальный район Советын секретарьже Т. Коледина, районысо ветеран-влак совет председатель Ю. Балахнина ойленыт.
Мероприятий мучаште кредалмаш пасушто вуйыштым пыштыше салтак да сар деч вара колышо ветеран-влакым тып минут дене уштымо да памятник воктеке пеледыш аршашым пыштыме.
Венера АГЛЯМОВА.
