Шарнена. Кугешнена

Шарнена. Кугешнена

1987 ий 15 февральыште Совет войска-влак Афганистан гыч шочмо элышкына пӧртылыныт.

Тиде кече лӱмеш, 14 февральыште, Кемий ялысе школышто тематический мероприятий эртен. Тушко афган сарыште колышо Вячеслав Муртазинын родо-шочшыжо-влакым ӱжмӧ. Историйым туныктышо В. Апсатаров погынышо-влакым Н. Акмурзинан «Афганистан: наша память и боль» шымлымаш пашаж дене палдарен.

Тиде пашаштыже автор афган сарыште колышо Вячеслав Муртазинын илыш корныж нерген возен. Ик книгажым Вячеславын

шочшыжо-влаклан пєлеклен. Районысо афганец-влак ушем председатель Венер Фатхинуров погынышо-влакым «Закаленные Афганистаном» книга дене палдарен да ик книгам Кемий школын коллектившылан пєлеклен. Тылеч вара чыланат районысо музей вуйлатыше И. Яхинын Совет войскам Афганистан гыч лукмылан 30 ий темме лӱмеш возымо фильмжым онченыт. Фильмым ончымо деч вара Вячеслав Муртазин лўмеш гранит оҥа воктене пеледыш аршашым пыштеныт.

Тиде кечынак воин-интернационалист-влак агропромышленный колледжышке студент ден туныктышо-влак дене вашлиймашке миеныт.

15 февральыште Мишкан селаште кугу событийлан лӱмлалтше икмыняр мероприятий эртен. Тушко афган сарын ветеранже, военкомат пашаеҥ, школышто тунемше, культура пашаеҥ-влак ушненыт.

16 февральыште районысо воин-афганец-влакын делегацийышт «Торатау» конгресс-холлышто эртыше торжественный мероприятийышке миеныт.

18 февральыште Ирсай ялысе кыдалаш школышто «Мондаш огеш лий» общешкольный мероприятий эртен, тушко Ирсай сельсовет сельский поселенийыште шочын-кушшо воин-афганец-влак ӱжылтыныт. Интернациональный порысыштым тӱрыснек шуктышо-влак афган сар нерген изишак палдареныт. Ольга Биктубаева школ коллективлан «Закаленные Афганистаном» книгам пӧлеклен. Тунемше-влак уна-влаклан тематический концерт программым ончыктеныт. Совет войскам Афганистан гыч лукмылан 30 ий темме лўмеш мероприятий-влак тыгак Чорай, Тымбай, Пӱнчер да моло яллаште эртаралтыныт. Нуным эртараш «Сеҥымашын волонтержо-влак» да «Самырык Гвардийын» чолгаеҥже-влак полшеныт.

Ф. КАДИКОВА.