Шӱдыр дене зарядка

Шӱдыр дене зарядка

Физкультурым да спортым, таза илыш-йўлам чапландарыше ты акций республикыште 7 апрельыштак стартым налын. Акций Башкортостан Республикысе чыла МР да олаште эрта.

Акцийым «Алга, Башкирия! Вперед, Башкортостан!» движенийыш пурышо молодежный организаций-влак да «Единая Россия» всероссийский политический партийын региональный отделенийже организоватленыт. Мемнан районат ты кугу акцийыш ушнен.

Зарядкын шӱдыржӧ Россий спортын заслуженный мастерже, Паралимпийский модмашын вич гана чемпионжо Кирилл Михайлов

лийын.

Погынышо-влакым район администраций вуйлатыше П. Трапезников, «Единая Россия» партийын верысе отделенийжын секретарьже

Т. Коледина, ӱжмӧ чемпион К. Михайлов саламленыт.

Мероприятийышке районысо тӱрлӧ сферылаште пашам ыштыше да тунемше-влак ушненыт: Мишкан селаште илыше-влак, 1 №-ан

лицейыште да 2 №-ан Мишкан кыдалаш школышто тунемше-влак, район администрацийын представительже-влак, сельсовет вуйлатыше-влак, образований отделын пашаеҥже-влак начальникышт С. Александров дене пырля, рӱдӧ библиотечный системын пашаеҥже-влак директор Т. Кондогина дене пырля, районысо ветеран-влак советын представительже-влак Ю. Балахнинан вуйлатымыж почеш, О. Биктубаеван вуйлатымыж почеш районысо волонтер-влак, самырык спортсмен ден нунын тренерышт, ДЮСШ-н директоржо

Н. Зайнетдинов дене пырля. Самырык спортсмен-влак коклаште Россий первенствыште куштылго атлет да триатлон дене участвоватлыше-влак, ече дене таҥасымаште да ўстел теннис дене Башкортостан Республикын чемпионжо-влак, мини-футбол да баскетбол дене Башкортостан Республикын первенствыштыже участвоватлыше-влак лийыныт.

Зарядкым Башкортостан Республикын заслуженный учительже, РФ-ий общий образованийын почетный пашаеҥже, Башкортостан

Республикын физический культурын эн сай пашаеҥже С. Мурзашев да Башкортостан Республикын физический культурын эн сай пашаеҥже Л. Мурзашева эртареныт.

Мероприятий деч вара эстафета тоям муниципалитет вуйлатыше П. Трапезников Нуриман районын представительжылан кучыктен.

Ты мероприятийым организоватлыше да эртарыше ДЮСШ-н директоржо Н. Зайнетдиновлан, районысо Культура дворецын пашае‰же-влак Р. Плотниковлан, М. Салимовлан, Мишкан сельсовет СП администраций вуйлатыше Р. Ишмакаевлан, «Триумф» ФОК-ын директоржо Т. Шамидановалан кугу таум каласена.

С. ИСМАГИЛОВА, верысе отделенийын вуйлатышыже.