+15 °С
Облачно
Увер
31 Декабря 2020, 21:00
Сеҥымаш дене пӧртылын
20 мартыште Белебейыште механизаций да электрофикаций колледжыште кыдалаш профессиональный образований специальность дене тунемше-влак коклаште Всероссийский олимпиадын региональный этапше эртен.
Сеҥымаш дене пӧртылын
Региональный этап уста студент-влакым рашемдаш, кыдалаш звеносо специалист-влакым ямдылыме качествым, нунын профессиональный мастарлыкыштым нӧлталаш эртаралтеш.
Региональный этапыште Мишкан агропромышленный колледжын 3 курсыштыжо тунемше Виталий Валеев участвоватлен. Тудо Белебей олаште кокымшо гана лийын. Шыжым Виталий «Самырык профессионал-влак» региональный чемпионатыште участвоватлен.
Тиде гана олимпиада компьютер дене теоретический йодыш-влакым (тестирований) ыштыме гыч тӱҥалын. Кокымшо этапыште пуымо параметр почеш пашам ышташ, проектироватлаш, разработкым ышташ кӱлын. Виталий теплицыште волгыдын ситымыжым, шокшын улмыжым да вӱдын пурымыжым шотлен лукшаш лийын.
Кумшо этапыште тракторым да плугым регулироватлаш да фигурный вожденийым у модель МТЗ 1523 трактор дене ышташ кӱлын.
Виталий чыла заданийым сайын шуктен, «За высокий уровень профессиональных знаний и умений в решении практических задач» номинацийыште сеҥен.
Сеҥыше дене кугу ямдылалт- ме пашам производственный туныктымашын мастерже А. Васильев, посна дисциплина-влакым туныктышо-влак А. Саликаев ден В. Азипов шуктеныт.
Виталийлан да колледжын коллектившылан ончыкыжым эшеат кугурак сеҥымашке шуаш тыланена.
В. АЛТЫНБАЕВ, Мишкан агропромышленный колледжын старший мастерже.
