+20 °С
Облачно
Увер
31 Декабря 2020, 21:00
"Сак лийза, йолешке!!!"
Корнышто лийме трагедий-влакым ончылгоч кораҥдаш виктаралтше мероприятий-влак кышкарыште Монар ялыште «Сак лийза, йолешке!» акций эртен.
«Сак лийза, йолешке!»
Мероприятий годым «Виктория» отряд ден Самырык Гвардийын чолгаеҥже-влак йоча ден самырык-влаклан волгыдым пӧртылтышӧ фликер ден «Самырык йолешкылан» лаштык-влакым шалатеныт, а ача-ава-влаклан – корнышто йоча-влак сусыргымашым ончылгоч кораҥдаш виктаралтше памятка-влакым. Вет йочан тазалыкшым, тӱҥ шотышто, ача ден ава аралышаш улыт!
Ӱдыр-рвезе-влак тыгак ял калыкым корнышто коштмо правилым шукташ, корно гоч тидлан палемдыме верлаште гына вончаш йодыныт. А изи йоча-влаклан корнышто модмым да велосипед дене коштмым чарнаш кўштеныт.
Э. ИМАНОВА, тӱҥ библиотекарь.
