+14 °С
Облачно
Увер
31 Декабря 2020, 21:00
Сак лийза – пудий энцефалит
Роспотребнадзорын БР-се управленийжын Пӱрӧ, Аскын, Балтач, Бурай, Караидель, Мишкан да Татышле районласе территориальный отделже палдара: 2018 ийыште республикыштына пудий энцефалит дене 25 еҥ черланен (100 тӱжем еҥлан –0,62 еҥ), тиде 2017 ийысе дечын 3 случайлан шукырак (22 еҥ, 100 тӱжем еҥлан – 0,54 еҥ). БР-ште пудий энцефалит дене черланымаш Российысе кокла показатель дечын 1,8 гана шагалрак.
Сак лийза – пудий энцефалит
Пудий энцефалит дене черланыше-влакым 10 муниципалитетыште регистрироватлыме. Черланыше-влакын 21 процентше олаште ила, 77,1 процентше – ялыште.
Пудий энцефалит дечын аралалтме эн сай йӧн – прививкым ыштымаш. Тыгай прививкым чодыраште пашам ыштыше-влаклан (геолог, топограф, лесник да моло-влак) обязательный улеш. Прививкым тыгак чодырашке чӱчкыдын коштшо, эпидемий шарлыме территорийыште илыше-влаклан ыштыктыман. Республикыштына КВЭ деч прививка 30 тӱжем утла еҥлан ышталтеш.
КВЭ ваштареш прививкым чодыраш кайыме деч 2 арня ончыч але эше ончычрак ыштыктыман. Вакцинаций курс кок вакцинодача да ревакцинаций гыч шога. Икымше да кокымшо прививка коклаште 5-7 тылзе эртышаш, сандене икымше прививкым октябрь-ноябрьыштак ыштыктыман, кокымшым – шошым (март-апрельыште). Кок прививкым налше еҥ КВЭ дечын идалык мучкылан аралалтеш.
Ревакцинаций вакцинаций курс пытыме деч идалык вара ышталтеш. Тылеч вара ревакцинацийым кум ийлан ик гана ыштыктен шогыман.
Д. ЯНТУРИНА.
