Сак лийза, кайык грипп!

Сак лийза, кайык грипп!

Шукерте огыл район администраций вуйлатышын ял озанлык паша шотышто заместительже В. Михайловын кабинетыштыже Башкортостан Республикыште кайык грипп шарлымым сорлыклымо шотышто видеоселекторный совещаний эртен. Амалже тыгай: 22

февральыште Челябе областьыште А типан кайык грипп вирус (Н9 субтип) дене черланымым рашемдыме. Тидлан кєра тиде черлан республикыштына шарлаш чаракым шындыман.

Совещанийыште чрезвычайный ситуаций-влак шотышто районысо комиссийын председательже В. Ханов, район администраций вуйлатышын торгайыме паша шотышто заместительже С. Нуриев, ветстанций начальник В. Садиров, кайыкым ашныше кугу предприятий

вуйлатыше-влак участвоватленыт.

Видеосвязь дене Башкортостан Республикысе ветеринарный управлений начальник А. Зиганшин, Россельхознадзорын БР-се управленийже вуйлатыше Ю. Петров, БР-се ял озанлык министерствын вольык ончымо паша шотышто отделже начальник Ю. Кирилова выступатленыт.

Венера АГЛЯМОВА.