+14 °С
Облачно
Увер
31 Декабря 2020, 21:00
«Рыцарский турнир»
«Еш» отделений Мишкан районышто «моло деч ойыртемалтше» йоча-влаклан «Рыцарский турнирым» эртарен.
«Рыцарский турнир»
Турнир Отечествым аралышын кечыжлан лӱмлалтын. Тиде военный-влакын веле огыл, пеҥгыде койышан чыла еҥынат пайремже. Тугеже пайрем дене тӱрлӧ ийготан эрге ден рвезе-влакымат саламлыман.
Тидлан кӧра тиде кечын «Путник» рӱдерыште пайрем шӱлыш озаланен, мероприятийышке моторын чийыше ӱдыр ден эрге-влак толыныт.
Йоча ден ача-ава-влакым Мишкан район муниципальный район администраций вуйлатыше Рустам Мусин, администраций
вуйлатышын кадр да социальный йодыш-влак шотышто заместительже Лариса Александрова, Мишкан районысо образований отдел начальник Сергей Александров саламленыт.
Тылеч вара пайрем тӱҥалын. Тушто эрге-влак шкеныштын усталыкыштым, творческий шӱлышан улмыштым, полеламутым
лудын, мурен да куштен моштымыштым, чолга да чулым улмыштым ончыктеныт. Самырык армеец-влак автоматым рончен погеныт, мастер-классым ончыктеныт.
Конкурсышто сеҥыше-влакым турнир мучко погымо жетон-влак рашемденыт. Но пӧлек деч посна нигӧ кодын огыл – пӧлек ден тамле призым конкурсын кажне участникшылан пуымо.
«Еш» отделенийын материалже негызеш Фирдаус КАДИКОВА возен.
