+13 °С
Облачно
Увер
31 Декабря 2020, 21:00
Россий флаг кечым палемденыт
«Мать и дитя» паркыште Россий Федераций государственный флагын кечыже торжественно палемдалтын
Россий флаг кечым палемденыт
1991 ий 22 августышто Москваште Ош пӧрт ӱмбалне кум тӱсан российский флагым торжественно нєлталме. Тиддеч вара Россий флаг элыштына ик эн тӱҥ государственный символлан шотлалтеш. Тудын кӱшыл ужашыже ошо, покшелже канде, ӱлылжӧ - йошкарге. Нине тӱс-влак мом ончыктат, ик семын ойлымым от кол. Ошо - тиде яндарлык, волгыдо ӱшан, канде - ӱшаным ончыктышо тӱс, а йошкарге - шочмо элым аралымаште йогышо вӱр, вий, куат.
Флаг кечым палемдымаште йоча садыш коштшо-влак, ветеран-влак, райрӱдыштӧ илыше-влак, самырык гвардеец ден
волонтер-влак лийыныт. Йоча садыш коштшо изи йоча-влакат пайрем вӱдышым тўткын колыштыныт. А нунышт флаг шочмо историй нерген радамын каласкаленыт.
Саламлыме шомак дене район администраций вуйлатышын кадр да социальный йодыш шотышто заместительже Л. Александрова, педагогический пашан ветеранже С. Андерзянов да молат выступатленыт.
Ты мероприятийым район администрацийын самырык-влак отделже, «Самырык гвардийын» верысе отделенийже, «Еш» рӱдер да «Единая Россия» партийын верысе отделенийже эртареныт. Флаглан лӱмлалтше мероприятийыш толшо-влак шарнымаш пєлекым налыныт.
Мероприятий Россий гимным мурымо да шарнымаш фотом ыштыме дене мучашлалтын.
Венера АГЛЯМОВА.
