+27 °С
Ясно
Увер
31 Декабря 2020, 21:00
Ретротехника автопробег
Кандашымше майыште райцентрысе рӱдӧ площадьыште Кугу Отечественный сарыште Сеҥымашлан лӱмлалтше автопробег стартым налын.
Ретротехника автопробег
Тиде гана ретроавтомобиль-влак колоннышто «Виллис», «Захар», «Полуторка», ГАЗ-66, ЗИЛ-131, ГАЗ-53 автомашина-влак лийыныт. Нунын дене пырля ожнысо тӱсым налше кызытсе машина-влак, КамАЗ-влак лийыныт. Чыла техникым уста-влак сайын реставрироватленыт. Свежа чия дене волгалтше техника мемнам ожнысо жапыш пєртылтеныт.
Тиде лӱмлӧ событий дене погынышо-влакым район администраций вуйлатыше Р. Мусин саламлен. Рустам Маратович чылалан вуй ӱмбалне яндар кавам да сар жапысе шучко жапым мондаш огыл манын тыланен.
Мишкан сельсоветын администрацийжылан да энтузиаст-влаклан тыгай автопробегым организоватлымыштлан кугу таум каласыме шуэш.
Кавашке шар-влакын нӧлталтмышт деч вара старт пуалтын. Ретротехника колонным Мишкан да Бурай районласе военный комиссар С. Васильев вуйлатен.
В. КОНДОГИН.
