Пожарный извещатель, молан тудо кўлеш?

Пожарный извещатель, молан тудо кўлеш?

Пожарыште еҥ-влакын колымышт пожарный-влакым эре тургыжландара. Статистика ончыкта, еҥ-влакын колымышт дене кылдалтше пожар-влакын 50 процентше айдемын малымыж годым лиеш. Малыше еҥ шикш пушым ок шиж, сандене тудо аралалт кертдымыш савырна. Пожар тўҥалмым жапыштыже шижаш да тудым йєрташ, еҥ-влакын колымыштым да пого йўлымым кораҥдаш пачерыште, пєртыштє автономный бытовой пожарный извещательым (АБПИ) шындыме полша. Тиде изи, шерге огыл приборлан кєра кажне ийын пеш шуко еҥ илышыжым арален кода.

Те мєҥгыштє АБПИ-м шынденда. Тудо ўшанлын служитлыже манын, чын обслуживатлыман.

Тудым шындаш верым чын ойырен моштыман. Эн сай вер потолокын покшел ужашыштыже, изишак тєрза але омса могырышкыла, лач туштыла юж толкын шукырак коштеш, вераҥдыман. Извещатель шикш лекташ тўҥалмеке, кугу йўк дене кычкыраш тўҥалеш, пєртыштє пашам ыштыше мушмо машина, пылесос йўкымат темдалеш. Тыге чот мален кийыше еҥымат помыжалтара. Южгунам извещатель шке семынже, пожар уке годымат кычкыраш тўҥал кертеш. Тыгай годым мом ыштыман, кузе тудым йєртыман? Пєлемым проветритлаш кўлеш але икмыняр секунд извещательым пылесос дене эрык- тыман.

Молан шоя сигнал лийын кертеш? Шукыж годым ўян пар але вес вещества титакан улеш. Пар шикш пурымо камерыш логалеш, ўян юж тушан шинчеш, а кошкымекыже, пластмасс корпусым петыра. Вес амалже - коҥга гыч лекше шикш але урем тєрза гыч пурышо шикш, тамака шикш логалмылан лийын кертеш. Сандене шикш лекме верым гына кораҥдаш кўлеш.

Питаний элементым идалыкыште ик гана вашталтыман, тидым ышташ неле огыл. Тудым вашталтыме годым шикш логалме камерым пурак деч эрыктыман.

С. БИКТУБАЕВ.