Пожарный безопасность мера

Пожарный безопасность мера

Вӱдшӧр годым, вӱд нӧлталалтмеке, ятыр вере тулым йӧртат, тидлан кӧра лӱдыкшӧ верыште илыше-влак сортам, керосин лампым чӱктат. Эскерымаш деч посна кодымо сорта ден лампе коклан вӱд деч кугурак эҥгекым – пожарым конден кертыт. Тул кенета ылыжын гын, кажне тат шерге, но пожарный-влак, корно укелан кӧра, тыгай пӧрт деке миен огыт керт.

Эҥгек ынже лий манын, вӱд ташлыме верыште илыше-влак сайын палышаш улыт: лӱдыкшӧ жапыште электрический автомат-влакым йӧртыман, виш тул дене пайдаланыман огыл, газымат йӧртыман. Йӧнда ден жапда уло гын, документда ден эн шерге арверда-влакым кӱшыл пачашышке але пӧрт коклашке кӱзыктыза. Вӱдшӧр жаплан вӱдыштӧ кошташ пушым ямдылыман. Пуш уке гын, спасатель-влак толмешке, пӧрт коклаште, пӧрт вуйышто але пушеҥгыште вучыман. Вўд йымалан кодшо илем гычын шке вий дене лекташ тыршыман огыл.

Вўд кайымеке, территорийым шўк дечын эрыктыман да электролиний ден газ линий-влакым, канализацийым текшырыман. Ситыдымаш-влак улыт гын, специалист-влакым ӱжман. Ташлыше вўд логалын гын, тыгай кочкышым кочман огыл.

С. БИКТУБАЕВ, Россий МЧС НД да ПР-ын БР-се управленийжын Караидельский межрайонный отделжын старший инспекторжо, внутренний служба капитан.