+22 °С
Облачно
Увер
31 Декабря 2020, 21:00
Пий идалык мыланна мом коден?
Теве адак ик ий эртен кайыш. Самырыкше кушкын, илалшыже шоҥгемын. Юмылан тау, кеч пийже поро, пашам йӧратыше логалын. Тений шуко поро пашам «Единый Россий» партий, ППМИ программа-влак ыштеныт. Нунын полшымышт дене тунемме да культура учреждений-влак уэмдалтыныт, яллаште корно-влак олмыкталтыныт, Кугу Отечественный сарын участникше-влаклан памятник ден обелиск-влак чоҥалтыныт. Культур аланыште республик кўкшытан фестиваль ден конкурс-влак эртеныт. Икманаш, илыш ик верыште шоген огыл.
Пий идалык мыланна мом коден?
Событий-влак
* 19 январьыште мемнан районыш паша визит дене Башкортостан Республикын культура министрже Амина Ивниевна Шафикова толын. Тудо паша визитым еҥ-влакым приниматлыме гыч тўҥалын, вара культура учреждений-влакым ончал савырнен.
* БР Гострансын председательже Тимур Мухаметьянов Мишкан районышто выездной совещанийым эртарен. Тўҥ йодышлан районысо корно озанлык да транспортный комплексын вияҥмыже темым ойырымо.
* 18 мартыште районысо калык Россий Федераций Президентым сайлымаште чолган участвоватлен.
* Мемнан районышто паша визит дене Россий Федераций Федеральный Погынын Государственный Думын депутатше, Государственный Думын бюджет да налог шотышто комитетын членже Ильдар Бикбаев ден БР Государственный Погын - Курултайын депутатше Рустем Мусабиров лийыныт. Нуно Тымбай да Кугу Соказа яллаште илыше-влак дене вашлийыныт.
* 9 сентябрьыште районышто Государственный Погын - Курултайыш депутат-влакым сайлымаш эртен.
* 1 апрельыште районыш паралимпийский модмашын 13 гана чемпионжо, тўнян 18 гана чемпионжо, Европын 43 гана чемпионжо Рита Баталова толын.
* Ирсай сельсоветысе Йылыш ял «Башкортостан Республикын эн мотор ялже» конкурсышто участвоватлен да эн сай 20 ял коклашке логалын.
* 28 февральыште райцентрыште мемнан землякна, «Мишкан районын почетный гражданинже», Башкортостан Республик искусствын заслуженный деятельже Флорид Буляковлан 70 ий темме лўмеш мероприятий эртен. Тудын тунемме школышто музей почылтын.
* Эльбрусышто Мишкан районын флагшым шогалтыме. Тиде курыкын 3800 метр кўкшытыштыжо районын флагшым «Путник» рўдерын педагогшо Н. Мирсаяпов шогалтен.
* Татарбайыш, тушто 236 сурт уло, канде тул толын.
* Афган сарын участникше-влак Кемий ялын эргыже, рядовой, разведчик-пулеметчик В. Муртазинын шўгарышкыже миеныт. Тений делегаций радамыште Москва гыч Н. Кулина ден П. Шипов, Омск гыч С. Андриянов, Благовещенск гыч В. Зярянов ден Г. Шарафеев лийыныт. Мемнан землякна «100 лет военной разведке» медаль дене наградитлалтын, тудым салтакын аважлан кучык- тымо.
Образований
* ДЮСШ-н тренер-преподавательже Юрий Айгузинлан «БР физический культурын заслуженный пашаеҥже» почетан лўмым пуымо.
* Мишкан агропромышленный колледжыште агрономический конференций эртен. Тушко ял озанлык предприятий ден крестьян-фермер озанлык вуйлатыше-влак, БГАУ ден БНИИСХ гыч ученый-влак, ял озанлык кушкылым аралыме средствам, ял озанлык техникым колтышо-влакын представительышт лийыныт.
* Мишкан агропромышленный колледжыште «Ял озанлык производствын тракторист-машинистше» профессий дене республиканский олимпиада эртен. Тушто 36 район да 7 ола гыч 43 участник лийын.
* Райцентрыште Россий Федераций Государственый Думын депутатше Ф. Ганиев школьник-влак дене вашлийын.
* 28 июнь гыч 2 июль марте Мишканыште тунемше-влакын 69-ше республиканский туристический фестивальышт эртен.
Культура
* «Цвети, мой край Башкортостан» V межрегиональный конкурсышто М. Салимов Гран-прим сеҥен налын.
* Ноябрьыште Мишкан уна-влакым вашлийын. Тыште финн-угор калык-влакын «Ший мундыра» фольклор коллектив-влак конкурс эртен. Тушко Башкортостан Республика гыч эн сай финн-угор коллектив-влак толыныт.
* 1 №-ан лицейыште тунемше Азалия Галимова «Наследие Салавата» региональный конкурс-фестивальыште 3-шо степенян дипломым налын.
* Районышто «Единая Россия» партийын «Культура малой Родины» проектше пашам ышта. Районысо Культура дворецым олмыкташ 4 миллион теҥгем ойырымо.
Чоҥымо паша
* Районышто вўд проводым райцентрыш шупшмо паша мия, Кемийыште водохранилищым пашаш колташ ямдылат.
* Корак ялыште Кугу Отечественный сарын участникше-влаклан да тылыште тыршыше-влаклан обелискым чоҥымо.
* 28 ноябрьыште Башкортостанысе энергетический сбытовой компанийын Мишкан офисше почылтын.
* Сеҥымаш кече годым Эшым ялыште Кугу Отечественный сарын участникше-влаклан стела почылтын.
* Пўнчер ялыште Кугу Отечественный сарын участникше-влак- лан стела почылтын. Тудо верысе инициативылан полшымо программа дене чоҥалтын.
* Мишкан райвоенкоматын паркыштыже эше ик шарнымаш кўм - воин-пограничник-влаклан шогалтыме.
* Корак ялыште районышто икымше модульный фельдшерско-акушерский пункт почылтын.
Юбилей
* Кугу Отечественный сарын кум участникше: Ш. Сабирзянов (Мишкан), Г. Зарипов (Новоселка), Т. Батршин (Мишкан) 95 ийым темымыштым палемденыт.
* Иштыбай ял школ 100 ияш юбилейым палемден.
