Пайдале вашлиймаш

Пайдале вашлиймаш

Мероприятийыште ял озанлык министрын заместительже Ляля Рифмировна Давлетбаева, ял озанлык министерствын научно-образовательный учреждений-влак дене кылым кучышо отделын вўдышє специалист-экспертше Алевтина Васильевна Пицко, Башкирский аграрный университетын автомобиль да машинно-тракторный комплекс кафедрын доцентше Арсений Александрович Козеев, Мишкан районысо ял озанлык управленийын, «Центральная» МТС-ын Бирский филиалжын представительышт-влак, районышто кугу фермер озанлык вуйлатыше-влак участвоватленыт.

Мероприятий Л. Давлетбаеван республикысе АПК-ште самырык специалист-влаклан государственный полыш, агропромышленный профиль дене пашам ыштыше предприятийлаште улшо вакантный вер-влак, паша условий нерген ойлымыж дене почылтын. Мишкан агропромышленный колледжын директоржо В. Байбулатов тений мыняр выпускник тунем лекме нерген ойлен: «Тачысе кечылан чылаже 5000 специалистым туныктен лукмо, нуно ойырен налме специальностьышт дене тӱрлӧ сферыште пашам сайын ыштат. 2019 ий июньышто агропромышленный колледжым 158 студент 5 профессий дене - «Сурт озавате», «Мӱкшызӧ», «Повар кондитер», «Общестроительный пашан мастерже» да «Экономика да бухгалтерский учет» - тунем лектеш».

«Центральная» МТС-ын Бирский филиалжын представительже да фермер-влак мемнан тунемшына-влакын практикым эртымышт нерген ойленыт.

А. Козеев студент-влаклан Башкирский государственный аграрный университетыште умбакыже тунемаш лийме нерген ойлен.

Мишкан агропромышленный колледжын директоржо В. Байбулатов студент-влак дене ончыкылык паша шотышто тӱрлӧ вашлиймаш-влакым эртарыме нерген палдарен: «Студент-влакым легально пашашке налшашлан Еш, паша да калыкым социально аралыше министерствын территориальный отделжын представительже-влакым, Калыклан паша верым ситарыше рӱдерын пашаеҥже-влакым ӱжын, лекций-влак эртаралтыт».

Таче мемнан колледж ял озанлык специалист-влакым ямдылыме шотышто ик эн сай профессиональный образованийым пуышо учрежденийлан шотлалтеш. Тудо БР правительствын дипломжо дене палемдалтын. Колледжым тунем лекше-влак высший учебный заведенийлаште тунемыт, ойырен налме специальностьышт дене пашам ыштат.

2019-2020 тунемме ийыште Мишкан агропромышленный колледж бюджет кӱшеш очно тунемаш тыгай специальность-влак дене налеш: 9 класс деч вара - механизация сельского хозяйства (квалификаций: техник-механик (ешартыш «CDEF» категорий дене тракторист-влакым ямдыла), 3 ият 10 тылзе тунемман; 11 класс деч вара - экономика да бухгалтерский учет (квалификаций: бухгалтер (ешартыш - кассир). Квалификационный пашазе, служащий-влакым ямдылыме программа дене: 9 класс деч вара - повар, кондитер (квалификаций: повар, кондитер), кум ият 10 тылзе тунемман, автомеханик (квалификаций: автомашинам олмыктышо слесарь, «В» да «С» категориян водитель, заправочный станцийын операторжо), 2 ият 10 тылзе тунемман; 11 класс деч вара - ял озанлык производствын тракторист-машинистше (квалификаций: ял озанлык производствын тракторист-машинистше «СЕ» категорий дене, «С» категориян водитель), 10 тылзе тунемман; мўкшызє (квалификаций: мўкшызє, «С» категориян водитель), 10 тылзе тунемман.

Мишкан агропромышленный колледж тыгак 17521 - мӱкшызӧ (инвалид йоча-влаклан) программа дене тунемаш налеш.

Вениамин КОНДОГИН.