Осал дене кучедалмаш

Осал дене кучедалмаш

Россий МВД-н Мишкан районысо отделже районыштына наркотикым законым пудыртен ужалымаш дене пеҥгыдын кучедалеш.

Тачысе кечылан тыгай уда пашалан, РФ УК-н 228 статьяжын 1-ше ужашыже почеш Изи Накаряк ялыште илыше еҥ уголовно наказатлалтын. Тыгак Мишкан селаште илыше 1 еҥ ваштареш производство мия. Изи Накаряк ялыште илыше эше ик еҥым РФ КоАП-ын 6.8 статьяже почеш административно наказатлыме. Тений кок тылзе жапыште «Наркозаслон» операцийын кок этапшым эртарыме. Иктыже 22-31 январьыште эртен, весыже – 18-22 февральыште. Операцийыште 30 полицейский участвоватлен, законым пудыртен ужалаш тыршыме 15,35 гр. наркотикым (кыне шудо) поген налме, наркотический контентан 5 сайтым рашемдыме. Образовательный учрежденийлаште тунемше да туныктышо-влак дене лекций ден мутланымаш-влакым эртарыме, самырык-влак погынымо вер-влакым терген лекме.

Полиций пашаеҥ-влак Интернетыште пронаркотический сайт-влакым чарныде кычалыт. Нуно «ВКонтакте», «Одноклассники социальный сеть-влакым, «Подслушано в Мишкино», «Марийские мероприятия в Уфе», «Молодежь Мишкинского района» группа-влакым, «Яндекс», «Рамблер», «Майл» да моло поисковый сеть-влакым текшырат.

«Колымашым кушто ужалыме нерген увертаре» акций кышкарыште Мишкан агропромышленный колледжыште «Илыш ик гана пуалтеш!» тема почеш мероприятий эртен, Мишкан рӱдӧ районный библиотекыште – самырык форум. Акций кышкарыште полиций пашаеҥ-влак тыгак Интернет сеть-влакым эше ик гана терген лектыныт да пронаркотический сынан 5 сайтым муыныт. Кызыт паша умбакыже шукталтеш. Вет наркоманий дене кучедалме годым лым лийман огыл.

Е. ИСАКАЕВ, уголовный розыск отделын оперуполномоченныйже, полиций младший лейтенант.