Оперативный совещаний эртен

Оперативный совещаний эртен

Ленар Сальманович шке выступленийыштыже ОВД-н чыла службыжын, отделений вуйлатыше-влакын пашаштым иктешлен, отделын пашаштыже улшо сайже ден ситыдымашыжым палемден. Чумыр пашам ончалмаште, ОВД шке ончылан шындыме задачыжым тўрыснек шуктен, чыла тўрлӧ службын пашаже икшырымын миен.

Паша сайын шукталтын гынат, участковый уполномоченный-влак службылан, Госавтоинспекцийлан, ОБЭП-лан да статистический

данный почеш изишак почеш кодшо моло служба-влаклан пашаштым саемдаш кўштен.

Башкортостан Республикысе Внутренний паша министерствын представительже, БР-се тўҥ госинспектор Д. Гильмутдинов отделын шуктымо пашажлан сай акым пуэн. Динар Загитович шке выступленийыштыже ОВД-н чыла службыжын пашажым палемден да правопорядкым аралышын престижшым нӧлталме нерген ойлен. Район прокурор Д. Ишмуратоват шке выступленийжым тыгай

кышкарыштак ыштен. Тудо чыла пашам закон дене келшышын шукташ ўжын.

Район администрацийын представительже Р. Сафин ОВД ден район администрацийын пырля шуктымо пашашт, ОВД-н калык дене кылым кучымыжо нерген ойлен.

Вара эн ответственный тат - наградитлымаш шуын. Д. Гильмутдинов Внутренний паша министерствын отделын икмыняр пашаеҥжылан черетан званийым пуымо нерген приказым лудын.

Оперативный совещаний деч вара Мишкан районысо отдел начальникын пӧлемыштыже республикын тўҥ госинспекторжо Д. Гильмутдинов еҥ-влакым приниматлен. Районысо служба-влакын пашашт шотышто улшо проблеман чыла йодышым Динар Загитович личный контрольышкыжо налын.

Республикын тўҥ инспекторжо райцентрысе уремлам волгалтарыме, лумым эрыктыме да моло техникым уэмдыме йодыш-влаклан поснак кугу верым ойырен.

Вениамин КОНДОГИН.