Ончыко, пеҥгыдын!

Ончыко, пеҥгыдын!

Модмаште 11 команда вийжым терген: Чорай ялысе марий гимназий, 2 №-ан Мишкан кыдалаш школ, Мишкан селасе 1 №-ан лицей, Ирсай, Кемий, Пӱрӧмучаш, Йылыш, Янагуш, Озерка ялласе школ-влак да «Путник» ЦДЮТ-н кок командыже.

Модмаш икте-весым саламлымаш гыч тӱҥалын. Команда-влак почеламут да муро полшымо дене командышт дене палдареныт. Тылеч вара ўдыр-рвезе-влак тӱрлӧ текшырымашым эртеныт: робототехника, чарак полоса, капитан-влак конкурс, ориентирований, экологий, корнышто коштмо правилым палымаш, краеведений.

«Корнышто коштмо правилым палымаш» этапыште команда-влак йодыш-влаклан вашмутым пуэныт. Спортивный этаплаште тӱрлӧ упражнений-влакым ыштеныт, эстафетым куржыныт, чарак-влак гоч вонченыт. «Экологий» этапыште тӱрлӧ йодыш-влаклан вашмутым пуеныт да практический пашам ыштеныт – нунылан мӱйын, тувыртышын качествыштым текшыраш, у тӱсым ышташлан чия-влакым йӧраш кӱлын.

«Ориентирований» этапыште ӱдыр-рвезе-влак пырля КП-влакым кычалыныт. Тиде текшырымаш нуным чулым да чын команда лияш

таратен.

Тунемше-влакын мутышт почеш, мероприятий оҥай да йомартле лийын. Таҥасымаште Мишкан селасе 1 №-ан лицей сеҥен, кокымшо ден кумшо вер-влакым 2 №-ан Мишкан кыдалаш школ ден Кемий ялысе школ налыныт. Шкеныштым пеҥгыде команда семын ончыктеныт 15 мартыште Пӱрӧ олаште «Элнам аралыше-влак, ончыко!» Россий кӱкшытан спортивно-образовательный модмашын зональный этапше эртен. Тушто Балтач, Благовещенск, Бурай, Кушнаренке, Мишкан, Татышле, Янаул районласе команда-влак таҥасеныт. Мишкан районын чапшым Мишкан селасе 1 №-ан лицейын «Матрос» командыже арален. Модмаш кандаш этап гыч шоген. Тушто ӱдыр-рвезе-влаклан шкеныштым уста турист, техник, эколог, ПДД-м палыше, спорт дене пеҥгыде кылым кучышо, неле задача-влакым решатлен моштышо семын ончыкташ кӱлын. Чолга таҥасымаште мемнан командына кумшо верым налын. Посна палемдымаш-влакат лийыныт. Капитан-влак конкурсышто мемнан капитанна Игнат Аспаев Чап грамота дене палемдалтын. Вуйлатыше-влак Дильбар Фанзаловна Валиева ден Екатерина Сергеевна Биктышевалан тауштыме серышым кучыктымо.

В. АГЛЯМОВА (материалым «Путник» ЦДТЮ пуэн).