Мини-футболым школыш

Мини-футболым школыш

Мишкан гыч рвезе-влакын йєратыме спортышт пайремыш савырнен. Рошто каникул жапыште АМРФ (Российысе мини-футбол ассоциаций), Башкортостан Республикысе футбол да мини-футбол федераций, БР-се спорт да молодежный политика министерство «Мини-футболым школышко» общероссийский проектын» III этапшым эртареныт.

Ф. Буляков лўмеш 1 №-ан лицейын «Олимп» командыже 2007-2008 ийлаште шочшо рвезе-влак коклаште 12-13 январьыште Белорецк районысо Межгорье олаште финальный таҥасымаште участвоватлен. Тушто 9 команда модын: Уфа, Стерлитамак, Баймак, Межгорье (2 команда), Белорецк районысо Татлы села гыч, Кармаскале, Мишкан, Аургазе районысо Толбазы села гыч. Команда-влак кум группылан шелалтыныт - «А», «Б», «В». «А» группышто Уфа, Татлы, Мишкан команда-влак лийыныт. Мемнан команда Татлы гыч командым 8:0 счет дене сеҥен, а Уфа командылан 2:7 дене модын колтен. Тиддеч вара мемнан команда нылымше вер верч кучедалын. Ме тидым ыштен кертынна. Финалыште Уфа, Стерлитамак, Межгорье команда-влак модыныт. «Салют» (Стерлитамак) Уфа командым 7:0 счет дене сеҥен, Межгорьем 5:3 счет дене сеҥен, чемпион лийын. Уфа-влак Межгорьелан 1:2 счет дене модын колтеныт, кумшо верыш лектыныт.

«Салют» команда февральыште Нижний Новгородышто проектын IV этапыштыже участвоватлаш тўҥалеш. Мемнан районын чапшым 1 №-ан лицей гыч Данил Александров, Данил Байдимров, Наиль Гизетдинов, Артем Матюхов, Темур Кутлуметов, Дмитрий Миниев, Александр Иликбаев, Дмитрий Иванов, Константин Пашкин, Павел Саликаев араленыт.

Рвезе-влак нылымше верым налмышт дене кугешнат. Тиде сай результат. Нунылан тазалыкым, тунеммаште, спортышто мастарлыкым да сеҥымашым тыланена.

В. КАЛЯЕВ, тренер.