«Мемнан деч посна нигӧ!»

«Мемнан деч посна нигӧ!»

Юж-десант войска Россий Федерацийыште ик эн чапланыше войска улеш.

Салтак юж-десант войскаште служитла манмым колмеке, тудын деке пагалымаш вигак кугемеш. Вет десантник-влак шочмо

элым аралымаште ик эн кугу патриот улыт.

Мероприятий тӱҥалтыште Российын да Башкортостан Республикын гимнышт йоҥген. Мишкан район администраций вуйлатыше П. Трапезников вашлиймашке толшо-влакым тиде пале кече дене саламлен да палемден, тыгай мероприятий-влак пеш кӱлешан улыт, вет нуно кушкын толшо тукымлан патриотический шӱлышым ешарат да шке эл верч кугешнымаш кумылым шочыктат.

Тауштыме серышым А. Аймурзинлан, Ю. Имасовлан, Э. Башировлан, Л. Кубагишевлан, А. Дмитриевлан кучыктымо.

Саламлыме шомак дене БР-се Мишкан да Бурай районласе военный комиссар С. Васильев выступатлен. Шке выступленийыштыже тудо воин-десантник-влакын эн ӱшанле улмыштым палемден да Ю. Адылбаевым, А. Александровым, А. Янышевым, М. Распаевым, Ю. Баюршиным наградитлен.

Юж-десант войскан ветеранже С. Баженов обелискым почмаште участвоватлыше-влаклан тауштен, «Виктория» военно-патриотический клубын воспитанникше-влакым икымше гана парашют дене тєрштымышт дене саламлен. Нунылан самырык парашютистын свидетельствыжым да значокым кучыктымо.

Воин-десантник-влаклан чоҥымо обелискым почаш район администраций вуйлатыше П. Трапезников ден юж-десант войскан

ветеранже С. Баженовлан ўшаныме. Вашлиймаш А. Хановын музыкальный пӧлекше да тўшкан фотографироватлымаш дене мучашлалтын.

Гузель ЯХИНА