Мастар-влакын олашкышт путешествий

Мастар-влакын олашкышт путешествий

Тиде кечын уремыште поранан йӱштӧ лийын гынат, технологийым туныктышо-влак чыла школ гыч толыныт. Семинарыш толшо туныктышо-влаклан Бикмасова Любовь Анатольевна 10 классыште «Вышивка лентами бутонной розы» тема дене мастер-классым ончыктен. Тушто уна-влакат, тунемше-влакат пеледаш тӱҥалше роза пеледешым тўрленыт. Урок чылалан келшен.

Виш урок деч вара семинарыш толшо турныктышо-влак «Мастар-влакын олашкышт» путешествийыш миеныт. Тыште нуным ик уста

еҥ Апсадиков Владимир Адылбаевич вашлийын. Тудо ончыч труд урокым намиен, педагогоический пашан ветеранже улеш, кызыт пенсийыш лектын. Тыштак уна-влакым школ директор С. Л. Мусалин вашлийын да саламлен.

Ялласе школлаште технологийым туныктышо-влакын пашашт класс пєлемым сєрастарыме дене гына ок серлаге, идалык мучко школ пеленсе пакчаштат пашам ыштыман. Тиде пашамат моло-влаклан ончыктыман.

Тылеч вара 7 классыште тунемше-влак пайремым почыныт. 8 классыште тунемше ӱдыр-влак уна-влакым посна мурым мурен да кинде-шинчал дене вашлийыныт. Унала толшо-влаклан нуно тыгак тӱрлӧ сийым тамлен ончаш темленыт. Тылеч вара «Мастар-влакын олашкышт» омса почылтын да унала толшо-влак технологий уроклаште ыштыме тӱрлӧ ӱзгарым ужыныт. Ӱзгар-влак тӱрлӧ йӧн дене ышталтыныт улмаш: оригами, урген, пу гычын пӱчкеден, квилинг, печворк, крючок дене пидмаш, тӱрлымаш.

Школ ынде ятыр ий чыла пашамат верысе Культура пӧрт дене пеҥгыде кылым кучен ышта. Вашкыл тӱрлӧ художественный номер-влакым ямдылаш йӧным ышта. Уна-влаклан нунымат ончыктымо. Технологийым туныктышо-влак ончылно Елена Валерьевна да Виктор Васильевич Асмаевмыт вуйлатыме почеш ямдылыме ятыр номерым ончыктымо.

Виш урокышко пурышо-влак нунын сай кӱкшытыштє эртымыштым палемденыт.

Г. ИШМАЕВА, Кӱрзе ялысе школышто тӱҥалтыш класслаште туныктышо.