Марий йылме дене олимпиада эртен

Олимпиада эртен

Тиде олимпиадыш марий йылме дене тўрлӧ районла (Мишкан, Пӱрӧ, Калтаса, Белебей, Илиш, Бакале, Караидель, Янаул, Краснокам, Балтач, Дӧртыльӧ) гыч шочмо йылмым йӧратыше, келге шинчымашан витле утла йоча погынен.

Икымше кечын тунемше-влак викториным ыштышт, а кум шагат гыч куд шагат кас марте пуымо теме почеш сочиненийым возышт. Кокымшо кечын темлыме теме почеш, кокыт дене пӧлалтын, йоча-влак ваш мутланымашым чоҥеныт. Тыште йочан яндар марий йылме дене кутырымыжым, шонымыжым чаткан да раш каласен моштымыжым, кумда тӱня умылымашыжым акленыт.

Чыла тиде кок кече жапыште йоча-влакын шинчымашыштым жюри аклен: марий шанчызе, туныктышо, филологий шанче кандидат, доцент С. И. Апсатарова, марий шанчызе, туныктышо, филологий шанче кандидат, доцент А. А. Илиева, Благовещенск оласе шуко профилян колледжын преподавательже И. Г. Тойгильдина.

Мишкан район гыч чылаже лу тунемше шке шинчымашыжым терген. Нунын кокла гыч Пўнчер школын 8 классыште тунемшыже Акушева Жанна, (туныктышо И. В. Айгузина), Чорай селасе Я. Ялкайн лӱмеш гимназийын 9 классыште тунемшыже Тимиркаева Анита (А. Б. Чаплыгина), Чорай селасе Я. Ялкайн лўмеш гимназийын 10 классыште тунемшыже Губеева Галина, (О. В. Иркабаева), Ардаш школын 11 классыште тунемшыже Апкадирова Снежанна (Н. Д. Байдимирова), сеҥышыш лектыныт. А Миксонова Алиса (Чорай селасе Я. Ялкайн лўмеш гимназийын 8 классыште тунемшыже,

туныктышо – А. Б. Чаплыгина), Аптыкаева Аделина (Ардаш школын 9 классыште тунемшыже, туныктышо – Н. Д. Байдимирова), Павлова Анастасия (Монар школын 9 классыште тунемшыже, туныктышо – А. С. Ибаева), Николаева Анастасия (Тынбай школын 10 классыште тунемшыже, туныктышо – Н. П. Минаева), Васингина Регина (Монар школын 10 классыште тунемшыже, туныктышо – А. С. Ибаева), Алексеева Наталья (Чорай селасе Я. Ялкайн лӱмеш гимназийын 10 классыште тунемшыже, туныктышо – О. В. Иркабаева) призер лийыныт.

Тиде сеҥымаш дене тунемше дене пырля туныктышо-влакымат саламлена. Тыгак республикысе олимпиадыш каяш йєным ыштымыштлан Районысо образований пӧлкам вуйлатыше С. А. Александровлан, методист А. С. Килинбаевалан таум каласена.

Н. БАЙДИМИРОВА, Ардаш школышто марий йылмым да литературым туныктышо.