Мардеж ден ўчашен

Мардеж ден ўчашен

Йоча-юношеский спорт школ 1980 ийыште районысо образований отдел пелен почылтын. Нине ийлаште район администрацийын полшымыж дене БР-ын «Образований нерген» законжо дене келшышын, ешартыш образованийым налаш чыла йєным ыштыме.

Спортшколым почмо да варажым тудым вия‰ден шогымо пашам эн ончычак БР-ын физический культура да спортын заслуженный пашае‰же Анатолий Васильев тў‰алын, завучлан Иван Русиновым шогалтыме. 1998 ий гыч тудо ДЮСШ-н директоржо лиеш (РФ образованийын отличникше, РФ физический культурын эн сай пашае‰же), кызыт сулен налме канышыште улеш. Ече дене икымше тренер-преподаватель лийыныт - Р. Шаркаева, В. Изергин, О. Саметов, А. Байбулатов, А. Асмандиярова, куштылго атлетика дене - Я. Апсатаров, А. Александров, В. Каляев.

2000 гыч 2013 ий марте директорлан Роман Ямаев ыштен, варажым районысо спорткомитетын председательжылан сайлалтын. 2013 ий гыч директорлан самырык тренер-преподаватель Николай Зайнетдинов ышта. Тиде жапыште ДЮСШ-н 19 выпускникше СССР, Россий спорт мастерын нормыжым темен, 1 - тўнямбал классан спорт мастер, 45 - спорт мастерыш кандидат. Кок тренер-преподаватель РФ общий образованийын почетный пашае‰же, 1 - БР физический культурын заслуженный пашае‰же, 6 - БР образованийын отличникше, 9 - БР физический культурын эн сай пашае‰же.

Спортшкол таче спортын ныл видше дене пашам ышта: ече спорт, куштылго атлетика, ўстел теннис, спортивный модмаш.

Йоча-юношеский спорт школ 7 гыч 18 ияш марте йоча-влак дене, 21 ияш марте тунемше молодежь дене пашам намия, филиал-влакын пашаштым виктарен шогышо рўдер улеш. Тў‰ пашажлан физический ямдылалтмаш, тунемше-влакын тазалыкыштым шуарымаш, ойырен налме спортын видше дене мастарлыкыштым шуараш полшымаш шотлалтеш. 2007 ийыште ДЮСШ пелен ече дене, биатлон дене, ўстел теннис (инвалид-влаклан) высший спорт мастарлык группым почмо. Кызыт тушто ик спортсмен-инструктор пашам ышта.

Группа-влак районысо школлаште тунемше-влак дене комплектоватлалтыт. Тачысе кечылан тыште 40 учебно-тренировочный группа чумыралтын, нине группылаште чылаже 630 тунемше заниматлалтеш.

Тунемме идалык жапыште спортсмен-влак 6 зональный, 36 республиканский, 9 всероссийский да 1 тўнямбал та‰асымашлаште участвоватленыт. Нине та‰асымашлаште 12, 64, 8, 1 призовой верлам налме. 37 районный да ДЮСШ линий дене 9 та‰асымашым эртарыме, нине та‰асымашлаште 1943 тунемше участвоватлен. Тунемме ий жапыште тыгай разряд-влакым темыме: Россий спорт мастер - 1, икымше кугые‰ разряд - 5, массовый разряд - 409. РФ сборныйын составыштыже ик воспитанникна, Башкортостан Республикын сборныйыштыжо кум воспитанникна улыт.

Районын чапшым республиканский, всероссийский та‰асымашлаште араленыт да аралат: Эренберг Миксонов ўстел теннис дене Россий спорт мастер, инвалид-спортсмен-влак коклаште кок гана Россий Федерацийын чемпионжо лийын; мемнан ик эн сай ученикна, куштылго атлет Денис Валитов Москваште 6 №-ан спорт интернатыште олимпийский резерв школышто тунемеш, Москва олан первенствыштыже икымше верым налын, тудо тренер Ю. Айгузинын вуйлатымыж почеш спорт дене заниматлалташ тў‰алын: ме Артем Апсалямовлан кугу ўшаным ыштена, тудо инвалид-спортсмен-влак коклаште ече дене Российын чемпионжо лийын (тренер С. Сагитов), куштылго атлетика дене Евгений Валитов (тудат Москваште 6 №-ан спорт интернатыште олимпийский резерв школышто тунемеш, тренер С. Валитовын вуйлатымыж почеш тў‰алын) Стерлитамак олаште БР образований министерствын первенствыжын чемпионжо, Уфаште БР-ын первенствыжын чемпионжо, Пенза ден Челябинск олалаште Россий первенство-влакын призержо лийын.

Мишкан районын ече спорт дене командыже БР образований министерствын эртарыме школьник-влакын XX спартакиадын зачетыштыжо Кумертау олаште икымше верым налын. Куштылго атлетика дене ўшаным пуышо спортсмен-влакым тыгай тренер-преподаватель-влак ямдылат: Ю. Айгузин, С. Валитов, ече дене - Л. Байрамов, В. Байметов, С. Сагитов, Л. Мурзашева; ўстел теннис дене - Н. Апасатарова. Нунын тунемшышт ик гана веле огыл тўрлє та‰асымашлаште призер лийыныт.

Йоча-влаклан ке‰еж канышым организоватлыме шотышто ДЮСШ-н примерже куандара. Тидлан районышто «Старт» спортивно-тазартыме лагерь уло, тушто кажне ийын кум смена, кажне сменыште 100 утла йоча, тазалыкшым шуара.

Школ Монар ялын шочшыжо Кирилл Михайлов дене кугешна. Тудо 2005 ий гыч Россий паралимпийский командын сборныйыштыжо улеш, ече спорт дене Россий спортын заслуженный мастерже, «За заслуги перед Отечеством» орденын медальже дене, БР-ын эн кугу наградыже «Салават Юлаев» орден дене, «За заслуги перед Республикой Башкортостана» орден дене наградитлалтын, «Выдающийся спортсмен РБ», «Мишкан районын почетный гражданинже». Тыгак Всероссийский спартакиадын чемпионже, инвалид-спортсмен-влакын ўстел теннис дене спортсмен-инструктор, Россий спорт мастер Эренбург Миксонов дене кугешнена.

ДЮСШ-н материалже негызеш В. Аглямова ямдылен.