Лӱмлӧ спортсмен лӱмеш таҥасымаш эртен

Лӱмлӧ спортсмен лӱмеш таҥасымаш эртен

Денис Тимиркаевич кумдан палыме ечызе лийын, тудо тыгак ятыр виян спортсменым воспитатлен.

Тиде кечын кече шыман шыргыжын, мардежат лым лийын. Тидлан кӧра ечызе-влак сай результатым ончыктеныт. Чапле ече пайрем – Д. Тимиркаев лӱмеш таҥасымаш почылтмо, ече сезон петыралтме, ГТО-м сдатлыме кече дене погынышо-влакым район администраций вуйлатышын пашажым жаплан шуктышо Л. Александрова саламлен. Лариса Геннадиевна спортсмен-влаклан таҥасымаште мардежым эрташ да финишышке вашкерак шуаш тыланен.

Пайремышке пагалыме уна семын спортын ветеранже-влак Э. Ибагишев, Ю. Каюмов, Е. Андриянов, Р. Шайбаков, Г. Сергеев, С. Кугубаев, С. Танцитов, П. Никитин, А. Губеев, Л. Ибагишева да паралимпийский модмашын чемпионжо К. Михайлов толыныт.

Старт деч ончыч Денис Тимиркаевич нерген ятыр шокшо шомакым тудын Ольга Денисовна ўдыржє ден Валерий Денисович эргыже ойленыт.

Таҥасымашым эртараш спонсор полышым предприниматель-влак С. Васютин, А. Байназов, спортын ветеранже С. Танцитов да «Чолман» газетын редакторжо И. Губаев ончыктеныт. Тиде кечын ечыгорнышко 100 утла еҥ лектын, нунын кокла гыч 83 спортсменже ГТО нормым шуктен да разрядлан сдатлен.

Таҥасымашым райспорткомитетын председательже, кугу опытан специалист Р. Ямаев вуйлатыме дене ямдылыме да эртарыме. Ече

пайремым эртараш тыгак самырык гвардеец ден волонтер-влак полшеныт.

Вениамин КОНДОГИН.