«Лӱдыкшыдымӧ Интернет йоча шинча дене»

«Лӱдыкшыдымӧ Интернет йоча шинча дене»

Конкурсышто БР-се ийготыш шудымо тунемше-влак гына участвоватлен кертыт.

Тушто участвоватлаш посна номинаций почеш пашам ямдылыман.

«Плакат» номинаций. Тиде номинацийыште тӱрлӧ технологический йӧным кучылтын плакатым сӱретлыман.

«Ойлымаш» номинаций. Тыште Интернет-лӱдыкшӧ деч аралыше тӱрлӧ ойлымашым (детективым, изи сочиненийым, йомакым, фэнтезим) возыман.

«Видеоролик» номинаций. Тыште видеороликым (социальный реклама, мультфильм) возыман. Тудын кужытшо 2 минут деч кужырак лийшаш огыл.

«Видеоролик» да «Плакат» номинацийлаште, конкурсын социальный сетьыштыже эн шуко лайкым налмым шотыш налын, «Зрительский симпатий» приз пуалтеш.

Конкурсный паша-влак 21 март гыч 21 апрель марте налылтыт. Паша-влак 21-30 апрельыште тергалтыт. Сеҥыше-влак 30 апрельыште увертаралтыт.

Конкурс «Электронное образование Республики Башкортостан» порталыште эртаралтеш. Сеҥыше-влак диплом да пєлек дене палемдалтыт, тыглай участник-влак – сертификат дене.

Конкурсым БР-се информатизаций шотышто госкомитет, БР-се образований министерство, Роскомнадзорын БР-се управленийже, Башкирский государственный университет эртарат. Спонсор полышым «Башинформсвязь» ден «МТС» ПАО ончыктат.

Конкурс нерген рашрак уверым «Электронное образование Республики Башкортостан» порталыште муаш лиеш.

Ф. КАДИКОВА ямдылен.