+22 °С
Облачно
Увер
31 Декабря 2020, 21:00
Куштымаш дене чапланеныт
«Путник» рӱдерын хореографический ансамбльже регион-влак кокласе экологический фестивальыште призер лийын.
Куштымаш дене чапланеныт
Регион-влак кокласе «Древо жизни» VIII виш экологический фестиваль 2018 ий ноябрь гыч 2019 ий январь марте эртен. Фестивальын географийже пеш кумда: тушто мемнан эл гыч шуко регион да лишыл йот эл-влак участвоватленыт. Фестивальын участникше-влак познавательный да творческий сферылаште шкеныштым ончыктен кертыныт, лач ик условий гына лийын - экологий дене кылдалтше тематика. Организатор-влак фестивальым региональный да регион-влак кокласе этап-влаклан шелыныт.
Мемнан район гыч «Творческий проект-влак конкурс» номинацийыште «Путник» туризм рӱдерын «Rainbow» хореографический ансамбль (вуйлатыше талантан педагог Марина Яшкина) участвоватлен. Ансамбль М. Мурашкон шындыме «Ой, луй модеш» марий калык куштымашыжым ончыктен. Фестивальын региональный этапшым аклыше жюри куштымашым кӱкшын аклен, икымше верым пуэн. Регион-влак кокласе этапыште тиде куштымашак Москва да Краснодар крайысе участник-влак дене тӧр кокымшо верым налын.
Коллективын участникше-влакым тиде кугу сеҥымаш дене саламлена да у творческий сеҥымашым тыланена.
Ф. КАДИКОВА.
