Кугешнена, куанена!

Кугешнена, куанена!

100 ий ончыч, 1919 ий 23 мартыште Россий пашазе-крестьян правительство ден Башкир правительство Башкирийлан советский

автономийым ыштыме нерген соглашенийым подписатленыт. Тиде политический акт шуко национальностян Россий государствын илышыштыже исторический событийлан шотлалтеш, а мемнан республикылан шкенжын субъектшым ыштыме пеш кўлешан этапыш савырнен.

Тиде лўмлє дата вашеш Башкортостаныште тений пайрем мероприятий-влак эртат, «Башкортостанлан 100 ий вашеш - 100 у

объектым» республиканский программа илышыш шы‰даралтеш.

Тиде программа кышкарыште регионышто образований, здравоохранений, культура, спорт учреждений-влак, социальный объект-влак чо‰алтыт, корнысо, инженерный инфраструктура-влак ышталтыт. Нине объект-влак коклаште мемнан районышто кинотеатр зданийым Марий историй да культура рўдерлан келыштарен уэмдат.

Башкортостан Республикылан 100 ий темме лўмеш пайрем мероприятий районысо Культура дворецыште 29 мартыште эртен.

Мероприятийыш толшо уна-влак районын 100 ий жапыште эртыме корныж дене палдарыше выставкым онченыт. РДК-н залышкыже е‰-влак тич темыныт. Тышке райцентрысе предприятий ден организаций, учреждений-влак гыч, производствын ветеранже-влак, самырык тукым, ўжмє уна-влак да кумылан чыла е‰-влак чумыргеныт. Погынышо калыкым Мишкан район муниципальный район администраций вуйлатыше Р. Мусин саламлен. Изишак районын историйжым шарналтымеке, мишкан-влакын Башкортостаным тўзатыме надырышт, республик каваште чолган йўлышє мишкан шўдыр-влак дене палдарен. Торжественный обстановкышто пашаште ойыртемалтше-влаклан Почетный грамота ден Тауштыме серыш-влакым кучыктымо. Нунын коклаште врач, туныктышо, крестьян-фермер озанлык вуйлатыше, водитель, бухгалтер, экономист да молат лийыныт. Чылаже 24 е‰ наградитлалтын. Башкортостан Республик вуйлатышын пашажым шуктышо Р. Хабиров деч саламлымашым

Чрезвычайный ситуаций шотышто БР-се государственный комитетын председательже Ф. Гумеров лудын пуэн. Республик вуйлатышын саламлымаштыже республикын шумо се‰ымашыже да тушко мишкан-влакын пыштыме надырышт нерген ойлалтын. Тудо пашан 10 ветеранжылан «100 лет образования Республики Башкортостан» юбилейный медальым кучыктен. Нунын коклаште «Дружба» газетын ончычсо редакторжо М. Каримова уло.

87-ше пожарный частьын начальникше С. Вялов «За доблесть» медаль дене палемдалтын. Государственный Погын-Курултайын председательже К. Толкачевын лўмжє дене мишкан калыкым депутат В. Рябов саламлен. Залыште шинчыше-влаклан «Эрвел» куштышо ансамбль, «Ручейки» вокальный ансамбль, мурызо-влак И. Шакуров, А. Ибулаев, А. Ханов, С. Каншаева, И. Арсланов, Н. Иванова, К. Ильтимирова сылне концертым ончыктеныт.

Венера АГЛЯМОВА.

Палемдымаш: 1919 ий 23 мартыште Башкирский Автономный Советский Социалистический Республик - Российыште икымше автономий ышталтын. 1990 ий 11 октябрьыште Государственный суверенитет нерген декларацийым лукмеке Башкирский ССР - Башкортостаныш савырнен, а 1992 ий 25 февральыште Башкортостан Республик лўмым налын.

Башкортостанын площадьше 143 тўжем квадратный километр. Республик калык чот дене регион-влак коклаште Российыште 7-ше верым налеш - 4 миллион утла е‰ ила. Башкортостаныште 54 муниципальный район, 9 ола округ, 14 ола поселений, 818

сельский поселений уло. Эн кугу ола-влак - Уфа, Стерлитамак, Салават, Нефтекамск, Октябрьский.