+11 °С
Облачно
Увер
31 Декабря 2020, 21:00
Костям шокшын саламлен!
«Витле визытым» пышталын вачӱмбаке,Костя Зайнетдинов ошкылеш.
Костям шокшын саламлен!
«Витле визытым» пышталын вачӱмбаке,
Костя Зайнетдинов ошкылеш.
Ок торлал мемнан дечын умбаке, -
У мурсем шочеш гитар кылеш.
Шочын муро шымлушымыт наре.
Тыршалеш гын, шӱдышкӧ шуэш.
Возо веле, нигӧат ок чаре,
Вет кычалше кеч-момат муэш!
Йоҥгалтеш у муро Озеркаште.
Жап эрталын, мемнан дек толеш.
Йоҥгалтеш гын йӱкшӧ казыр тыште,
Костя лишне, кӱдыньак улеш!
«Витле визыт – шоҥгылык!» ом ман мый,
«Витле визыт» - лач пеледме жап!
Мурпаша деч йӱкшымым, кораҥмым
Ок йӧрате тудын шўм-чонжат.
Саламлен Костям лӱмгечыж дене
Калык лӱм ден мый тыге серем:
«Муро ден(е) кынелын эр-эрдене,
Кумылнажым савырал эре!»
Геннадий ШАМШИЕВ, 2019 ий, февраль.
