«Келшымаш хоровод»

«Келшымаш хоровод»

Йоча искусство школышто тунемше-влаклан шошо каникул событийлан поян лийын. «Юзо микрофон» районный конкурсышто

участвоватлымын эрлашыжым мемнан коллектив Туймаза олашке «Келшымаш хоровод» республиканский йоча фестивальыш каен. Фестиваль республикылан 100 ий теммылан лўмлалтын, 27-29 мартыште эртен. Фестивальыш 47 коллектив миен, 1000 утла куштызо лийын.

Кажне коллектив 3 номерым ончыктен. Икымше кечын ме «Алабога марий-влакын кадрильышт» (С. Асмаев шынден) куштымашым ончыктышна.

Кокымшо кечын «Ой, луй модеш» (М. Мурашко) да «Чыган куштымаш» (М. Яшкина) дене выступатлышна.

Самырык куштызо-влакын мастарлыкышым компетентный жюри аклен. Жюри председатель Россий театральный искусствын

хореографий кафедрын доцентше, РФ культурын сулло пашаеҥже Елена Щеголева лийын. Жюри составыште лийыныт: Ф. Гаскаров лӱмеш государственный калык куштымаш академический ансамбльын вуйлатышыже, М. Акмулла лӱмеш Башкирский государственный педагогический университетын хореографий кафедрын профессоржо, Россий Федерацийын заслуженный артистше, Башкортостан Республикын калык артистше Риф Габитов, «Стерлитамакский государственный театрально-концертный объединений» Башкортостан Республикысе культура да искусство государственный бюджетный учрежденийын тӱҥ балетмейстер-постановщикше, БР культурын заслуженный пашаеҥже Эльвира Даутова, БР культурын заслуженный пашаеҥже, Калык творчество республиканский рӱдерын Культура пӧртшын инвалид-влак дене пашам ыштыше отделын вуйлатышыже, жюрин ответственный секретарьже Гульчачак Зарипова.

Фестивальын организаторжо-влак - БР-се культура министерство, республикысе калык творчество пӧрт, Туймаза район администраций.

Фестиваль жапыште ме Октябрьский олаште «Профилакторий Тонус» санаторийыште иленна. Мыланна ты фестивальыш

миен толаш йӧным ыштымыштлан Йоча искусство школын директоржо С. Ямбаевлан, туныктышо А. Шамуратовлан, «Путник»

рӱдерын ГАЗельын водительже В. Михайловлан, 2 №-ан школын класс вуйлатышыже-влак В. Муртазиналан (14 тунемше), А.

Алкиевалан (2 тунемше), 1 №-ан лицейын класс вуйлатышыже С. Гизитдиновалан (1 тунемше) да йоча-влакын ача-аваштлан кугу

таум каласена. РДК пашаеҥ-влаклан вургемым пуымыштлан посна тау.

М. ЯШКИНА, «Калейдоскоп» коллективын вуйлатышыже.