«Карпов» ден «Каспаров-влак» таҥасеныт

«Карпов» ден «Каспаров-влак» таҥасеныт

Модмаш-влак Отечествым аралышын кечыжлан да Совет войскам Афганистан гыч лукмылан 30 ий теммылан лӱмлалтыныт. Тушто Кӱрзе, Ирсай, Монар, Чорай да Мишкан сельсовет сельский поселенийла гыч илалше-влак вийыштым тергеныт.

Шахмат дене модмаште ӱдырамаш-влак коклаште А. Андриянова (Ирсай) сеҥен, Е. Андрюшкина (Нерге) кокымшо лийын, Л. Михайлова (Монар) – кумшо. Пӧръеҥ-влак коклаште В. Шамаев (Мишкан) икымше верым налын, М. Байметов (Нерге)

кокымшо лийын, Г. Зайнетдинов (Чорай) – кумшо.

Шашке дене модмаште ўдырамаш-влак коклаште вер-влак тыге шелылтыныт: 1 вер – Е. Андрюшкина (Нерге), 2 вер – Р. Захарова (Монар), 3 вер - Л. Захарова. Пӧръеҥ-влак коклаште: 1 вер – А. Аликаев (Мишкан), 2 вер – Р. Насибуллин (Мишкан), 3 вер – С. Яваев (Метръял).

Сеҥыше-влак верысе ветеран-влак советын Чап грамотыжо да медаль дене палемдалтыныт. Пенсионер-влак коклаште таҥа-

сымаш-влак тылзе еда эртат. Март тылзыште шахмат дене модмаш эртаралтеш, апрельыште теннис дене модмаш да пневматический винтовка дене лўйкалымаш, майыште – городки дене модмаш.

Март тылзыште тыгак Мишкан села ден районысо яллаште III ийгот универсиада кышкарыште эмле физкультура дене занятий-влак тӱҥалыт. Тыгак кумылан-влакым, поснак – пӧръеҥ пенсионер-влакым, волейбол секцийышке ӱжына. Ешартыш информацийым районысо ветеран-влак советыште 10.00 гыч 13.00 марте налаш лиеш (район администраций зданий, 1-ше

пачаш).

Ю. БАЛАХНИНА.