Калыкым приниматленыт

Граждан-влакым приниматленыт

Паша да занятость федеральный служба вуйлатышын кӱштымыжым шуктен, тыгак пашаеҥ ден паша верым пуышо-влаклан паша закон дене кылдалтше йодыш-влак шотышто государственный услугым ончыктышашлан госинспекцийын должностной еҥже-влак МФЦ-н филиаллашкыже еҥ-влакым приниматлаш чӱчкыдын лектын коштыт.

Ик тыгай мероприятий 22 мартыште Мишкан МФЦ-ште эртен. Еҥ-влакым приниматлыме деч ончыч семинар-совещаний лийын. Тушто муниципалитет вуйлатыше Р. Мусин, БР государственный паша инспекций вуйлатышын правовой йодыш шотышто заместительже

О. Вансюкова, БР-се АПК профсоюз комитетын председательже К. Гайнетдинова, БР ял озанлык министерствын правовой обеспечений шотышто отдел начальникын заместительже Э. Кадыров, паша инспекцийын пашам аралыше инспекторжо А. Салихов да молат

участвоватленыт да выступатленыт.

Семинарышке СП администраций вуйлатыше-влак, районысо предприятий, организаций, КФХ вуйлатыше-влак ӱжылтыныт. Погынышо-влаклан паша жапым шотлымо, пашадарым тӱлымӧ да моло йодыш-влакым умылтарыме.

Вениамин КОНДОГИН.