+27 °С
Ясно
Увер
31 Декабря 2020, 21:00
Илалше еҥын безопасностьшо
Рӱдӧ районный библиотекыште «Илалше еҥын безопасность азбукыжо» проект кышкарыште семинар эртен.
Илалше еҥын безопасностьшо
Мероприятийын участникше-влак коклаште илалше еҥ, инвалид, социальный пашаеҥ-влак, инвалид еҥым ончышо-влак лийыныт. Мероприятийым район администраций вуйлатышын кадр да социальный йодыш-влак шотышто заместительже Л. Александрова почын.
Семинар икмыняр тематический блоклан шелалтын: «Шеклане, мошенник-влак», «Юридический грамотность», «Суртышто да уремыште илалше еҥын безопасностьшо», «Пожарный безопасность», «Финансовый грамотность». «Поро паша» калыкым социально обслуживатлыше коммерческий огыл автономый организацийын пашаеҥже В. Байрамова, гигиена да эпидемиологий рӱдерын потребитель-влакын праваштым аралыме шотышто специалист К. Третьякова, Россий МВД-н Мишкан районысо отделын старший участковый уполномоченныйже С. Зайнетдинов, Россий МЧС-ын БР-се управленийжын Караидель межрайонный отделын старший инспекторжо С. Биктубаев погынышо-влаклан мошенник-влак кидыш кузе логалаш огыл, шке пого дене кузе чын пайдаланаш, чрезвычайный да экстремальный ситуаций годым мом ышташ кўлмє нерген умылтареныт. Семинар деч вара кажныже йодышым пуэн да шке проблемыже нерген ойлен кертын.
В. АГЛЯМОВА (рӱдӧ библиотечный системын материалже почеш).
