Икымше икшыве шочмылан пособийым налаш йодмашым налме нерген

Икымше икшыве шочмылан пособийым налаш йодмашым налме нерген

Тыгай тўлам налаш икымше икшывым ыштыше (ончаш налше) ўдырамашын, але ачан (ончаш налше ачан), але опекунын (ача але ава уке улыт але ава- ача права деч посна кодалтыныт гын) правашт уло.

Тидын годым тыгай условий-влакым шуктыман: йодмашым возышо еҥ Россий Федерацийын гражданинже лийшаш да Российыште илышаш; икымше икшыве 2018 ий 1 январьыште але варарак шочшаш; икшыве Россий Федерацийын гражданинже лийшаш; ешын кокла парышыже БР-ште эртыше ийын кокымшо кварталжылан палемдыме илен лекташ ситыше минимум деч 1,5 гана кугурак лийшаш огыл (14247 теҥге).

Икымше икшыве шочмылан тўлан кугытшо 2018 ийыште - 8892 теҥге, тудо икшывыдан 1 ият 6 тылзе теммешке тўлалтеш.

Пособийым налаш документым кушко пуыман

Документ-влакым «Мыйын документем» государственный да муниципальный услуга-влакым ончыктышо шуко функциян рўдерыш (www.mfcrb.ru) але Калыклан полышым ончыктышо республиканский рўдер ГКУ-н верысе филиалышкыже пуыман (Пўрӧ ола, Интернациональный урем, 16).

Пособийым налашлан могай документ-влак кўлыт:

1. Икшыве шочмым (ончаш налмым) рашемдыше документ – шочмо кагаз (усыновитлыме нерген кагаз), опекун-влаклан опека да попечительство орган гыч икшывым опекатлымаш тўҥалме нерген выписка, икшыве йот элыште шочын гын, Россий Федерацийын консульский учрежденийже пуымо шочмо кагаз, йот элыште икшыве шочмым тиде элын компетентный органже регистрироватлен гын, руш йылмышке кусарыме посна документ;

2. Россий Федерацийын гражданинже улмым рашемдыше документ (паспорт, шочмо кагаз);

3. 2017 ий 28 декабрьысе «Икшыван еш-влаклан тылзе еда тўлымє 418-ФЗ №-ан федеральный законын 1-ше статьяжын 3-шо ужашыштыже палемдыме лицо-влаклан – ўдырамаш колымым, тудым колышылан увертарымым, ава права деч кодымым, усыновитлымым чынлан огыл шотлымым пеҥгыдемдыше документ-влак;

4. Ойырлымым рашемдыше документ;

5. Ешын парышыж нерген документ-влак;

6. Военный комиссариат гыч ачам военный службыш приниматлыме нерген справка;

7. Кредитный организацийыште йодмашым возышын счетшын реквизитшым пеҥгыдемдыше документ (банковский вклад (счет) договор, кредитный организацийын счетын реквизитше нерген справка да моло документ, счетын реквизитше нерген сведений-влак).

Примечаний: Икымше але кокымшо икшыве шочмылан (ончаш налмылан) тылзе еда тўлымє тўла ик ийлан палемдалтеш. Тўлам икшывылан 1,5 ий темме марте шуяшлан у йодмашым возыман да документ-влакым уэшын погыман.

2018 ийыште 10 тылзе жапыште РЦСПН-н БР-се управленийжын Пўрӧ районысо да Пўрӧ оласе филиалже тыгай пособийым 191 еҥлан тўлен. Тўлан чумыр кугытшо 11724953,67 теҥгеш шуын. Пўрӧ ола ден Пўрӧ районышто тыгай тўла 66 йочалан тўлалтеш, Аскын районышто – 21 йочалан, Балтач районышто – 22 йочалан, Бурай районышто – 23 йочалан, Караидель районышто – 30 йочалан да Мишкан районышто – 29 йочалан.

Ф. КАДИКОВА

ямдылен.