Госземнадзорын зональный семинарже

Госземнадзорын зональный семинарже

22 мартыште район администрацийын заседаний залыштыже государственный мланде надзор ден муниципальный мланде контрольын

пашам пырля ыштымышт шотышто зональный семинар эртен. Тушто Мишкан, Аскын, Балтач, Бурай, Илиш, Калтаса, Караидель, Краснокам, Татышле, Янаул район-влакын представительышт участвоватленыт.

Семинарын участникше-влак ончылно саламлыме шомак дене Мишкан район администраций вуйлатыше Р. Мусин выступатлен. Тудо семинарын участникше-влаклан пашам сайын ышташ тыланен. Вашлиймашын участникше-влак ончылно БР Россельхознадзор

управлений вуйлатышын пашажым шуктышо

А. Гнездин тӱҥалтыш шомакым ойлен. Алексей Николаевич государственный мланде надзор ден муниципальный мланде контрольын пашам пырля ыштымышт ял озанлык пашам шуктымо мландым аралыме да тудым пайдалын кучылтмо шотышто пеш кӱлешан улмо нерген ойлен.

Муниципальный мланде контроль орган-влакын пуымо материалышт шотышто информацийым да иктешлымашым Россельхознадзорын Башкортостан Республикысе управленийжын государственный мланде надзор отделын начальникше А. Середнюк ыштен.

Муниципальный мланде контрольым шуктымаште практический пашам намийыме шотышто Янаул район муниципальный район

администрацийын муниципальный контроль отделын начальникше Р. Хайдаршин ойлен. Совещаний мучаште погынышо-влакын йодышыштлан вашмутым пуымо.

Вениамин КОНДОГИН.