Газ модыш огыл

Газ модыш огыл

Молан пудешталтмын амалжым, конешне, мучаш марте рашемдыме огыл, но ик ой почеш ик пачерыште газ дене правилым пудыртен пайдаланеныт.

Газ пӧртыштӧ ик амаллан верчын гына погына – вентиляций укелан. Вет коклан еҥ-влак пашам ыштыше приборыштым эскерымаш деч посна кодат, тидын годым горелкыште тулжо йӧрен кертеш. Форточка ден вентиляционный рож петыралтыныт гын, газ пӧрт мучко погына да пудешталташ ик чаткат сита. Статистика почеш, газ пудешталтмылан, тӱҥ шотышто, сурт оза-влак шке титакан улыт – газ прибор-влак дене пайдаланыме правилым пудыртат.

Правил почеш, газ прибор-влак дене пайдаланымылан граждан-влак мутым шке кучат.

Тидын годым илыме верлам обслуживатлыше организаций-влакат шуко пачеран пӧртлаште илыше-влак дене нормативный документ-влак почеш ыштышаш пашам шукташлан договорым жапыштыже возышаш улыт. Нине организаций-влак вентиляционный канал ден шикш лекме пучым эскерымылан мутым кучат.

Районыштына калыклан газым пуымо пашам «Газпром газораспределение Уфа» ПАО шуктен шога. Газ тудын дене пайдаланыше-влак деке экшык деч посна мийыже манын, газовый сеть ден газ оборудованийым тӱткын эскерен шогыман. Сурт кӧргысӧ газ оборудованийым тудым ыштыше предприятий палемдыме жапыште эскерен шогыман, но эскерымаш идалыклан ик гана деч шуенрак эртаралтшаш огыл. Оборудований дене пайдаланыме жап эртен гын, тудым вашталтыман але технический диагностированийым ыштыман. Технический текшырымаш потребитель дене договор негызеш эртаралтеш, пашалан окса тудым ыштыме деч вара тӱлалтеш.

А. АПКАЛИКОВ, Мишкан КС начальник.