Фото шарныкта

Фото шарныкта

Мемнан газетым лудшына-влак Дмитрий Яметовын районышто икымше пионер лагерьым почмо нерген материалжым шарнат,

очыни.

Шукерте огыл тудо мыланна ту жап годсо ик фотом пуртыш. Фотошто Дмитрий Яметов (лагерь начальник) да ватыже Оксинья (повар) пуш дене Инак вӱдыштӧ коштыт. Фотом 1960 ий июль тӱҥалтыште ыштыме.

- Лагерьыште тыге каналташ жап йӧршын лийын огыл, - шарналта Дмитрий Яметович. - Ты кечын лагерь гыч чыланат шинчалан вӱд йоген лекме верыш экскурсий дене кайышт. Лагерьыште кум еҥ гына кодын: начальник, повар да завхоз Василий Русинов.

Лач тунам ме ватем дене изишак каналтен кертынна. Фотом уста фотограф Федоров Сидор (физрук) ыштен.