Еш, йӧратымаш да ӱшанле улмаш кечын Пӱрӧ олаште еш фестиваль эрта

Еш, йӧратымаш да ӱшанле улмаш кечын Пӱрӧ олаште еш фестиваль эрта

Шуко тӱрлӧ калык илыме, шуко тӱрлӧ йӱла шарлыме Башкортостаныште Еш, йӧратымаш да ӱшанле улмаш кече посна верым налын шога, поро йӱла почеш, тудо легенде-влак гоч палыме шнуй Петр ден Феврония кечын эртаралтеш.

Пайремым эртараш Шнуй Кумикте лӱмеш кафедральный Собор ончылно Октябрь площадьым ойырымо. Мероприятий 8 июльышто 16 шагатлан тӱҥалеш. Соборын территорийже тиде кечын йоча-влаклан ойыралтеш – тушто мастер-класс, модмаш занятий, карусель, сӱрет выставка верланат. Ола калык ден уна-влак верысе ремесленник-влакын пашашт дене палыме лийын, пикш дене лӱйкален, тӱрлӧ калык кочкышым тамлен ончен кертыт.

Сценыште тунеммаште да тӱрлӧ конкурслаште ойыртемалтше йоча-влакын ача-аваштым республик вуйлатыше Радий Хабиров ден ватыже Каринэ Хабирова государственный награда – «Родительская доблесть» медаль дене палемдат. Тыгак кужу жап пырля илыше мужыр-влак палемдалтыт, нуно республик вуйлатышын кидше гыч «За любовь и верность» медальым налыт. Пайремыш мийыше-влак тыгак «Идалыкын ешыже» всероссийский конкурсышто сеҥыше еш-влак дене палыме лийыт.

Пайрем кечылан Пӱрӧ оласе Шнуй Кумикте лӱмеш соборыш Петр ден Феврониян лулегыштым кондат, Руш кугыжаныште нуно ожсек еш илышым перегышылан шотлалтыт.

Фестивальын унаже-влак ончылно республикысе эн сай артист-влак усталыкыштым ончыктат, тыгак еш дуэт-влак куандараш тӱҥалыт. Мутлан, Виктория ден Антон Макарскихмыт выступатлат.

Еш, йӧратымаш да ӱшанле улмаш кече лӱмеш еш фестивальын программыже

Ял озанлык ярмиҥга – 15.00– 20.00 (Октябрь площадь (ужар рынок).

Интерактивный площадка-влак – 15.00–21.00 (Октябрь площадь, Шнуй Кумикте лӱмеш кафедральный Собор ончылно).

Образовательный программа «XVII курымышто Пӱрӧ орышто стрелец-влакын пайремышт» - 15.00-21.00 (Ленин лӱмеш сквер).

Кулинарный программа

Кулинарный изделий выставка, кулинарный мастер-класс-влак – 15.00-20.00 (Октябрь площадь).

Культурный программа

«Мастар аллей» декоративно-прикладной арвер выставка-ужалымаш, сувенир-влак выставка, «Лудшо еш» интерактивный площадка – 15.00-21.00; индивидуальный предприниматель-влак ыштыме сату выставка-ужалымаш – 15.00-23.00;

Пӱрӧ оласе да Пӱрӧ районысо коллектив-влак концерт – 16.00-17.30;

«Коляска парад» конкурс – 17.30-17.45;

хороводан флешмоб – 17.45-18.00;

кас программа – 18.00-23.00 (Октябрь площадь),

сӱрет конкурс – 15.00-19.00 (Пӱрӧ оласе Шнуй Кумикте лӱмеш собор).

Фейерверк – кас программа деч вара (Октябрь площадь).

БР-се еш, паша да калыкым социально аралыше министерствын пресс-службыжо.