+33 °С
Ясно
Увер
31 Декабря 2020, 21:00
Эҥгек лийдымашын
Ардаш сельсовет сельский поселений администрацийыште профилактический группын членже-влак тунемыныт
Эҥгек лийдымашын
Верысе сельский поселений администраций вуйлатыше илыме секторышто 2018 ийысе профилактический пашан лектышыже, сельский
поселенийыште шуко икшыван, суапдыме, аракам йӱаш йӧратыше мыняр еш, мыняр инвалид, мыняр шоҥгыеҥ, шкетын илыше мыняр илалше еҥ илыме нерген палдарен.
Тунеммаште Аскын, Мишкан да Караидель районласе пожарный надзор шотышто государственный инспектор Дамир Газизов толын. Тудо «Илыме вер» операций кышкарыште илыме вер-влакым тергыме годым мом тергаш кӱлмым умылтарен. БР-се Мишкан район МР администрацийын ЧС шотышто тӱҥ специалистше Дамир Латыпов «Извещательым кажне пєртышкє, кажне пачерышке» акций
кышкарыште илыме верлаште шикшым шижше автономный пожарный извещатель-влакым вераҥдыме нерген ойлен. 87 №-ан ПСЧ-н IV караулжо начальник Дмитрий Ибагишев противопожарный водоснабженийын (вӱдым налаш келыштарыме вер, водонапорный башня), добровольный пожарный командын (дружинын) кӱлешлыкыштым умылтарен. Теоретический ужаш деч вара, икмыняр тӱшкалан шелалтмеке, тунемше-влак практический ужаш деке кусненыт – лӱдыкшӧ еш-влак илыме радамышке пурышо пӧрт-влакым терген лектыныт. Автономный пожарный извещательым вераҥдыме пєрт-влакымат ӧрдыжеш коден огытыл. Кызытеш нуно чыла тӱзык улыт.
Мероприятийым сельский поселенийысе активым калык дене пашам ышташ да пожар лийын кертшашлык пӧрт-влакым ончылгоч рашемдаш туныкташ эртарыме.
Тыгай туныктымаш-инструктаж-влак Мишкан районысо чыла сельский поселенийыштат эртат.
Фирдаус КАДИКОВА.
