Чылаштымат шарналтена

Чылаштымат шарналтена

Вооруженный Вийын Тўҥ Юмыгудыжо воктене, кудыжым Моско ола воктенсе «Патриот» паркыште чоҥат, «Шарнымаш корно» комплекс ышталтеш. Корнын мучкыж дене кужу пырдыжыште, кызытсе технологий-влакым кучылтын, 1941-1945 ийласе Кугу Отечественный сарыште кредалше-влакын фотографийышт вераҥдалтеш.

Кугу Отечественный сарын участникше-влак нерген данный-влакым погаш да чумыр базым ышташлан (фамилийышт, лўмышт,

ачалўмышт, фотографийышт, званийышт, шочмо датышт, наградышт нерген информаций-влак кўлыт), районысо калык дечын полышым йодына. Кочада, кугезе кочада нерген информацийым Мишкан да Бурай районласе военный комиссариатыш але «Келшымаш» («Дружба») газет редакцийыш колташ але намияш лиеш. Военный комиссариатын адресше: Мишкан села, Тракторный урем, 16 (фотон оригиналжым намийыман). Районный газет редакцийын адресше: Мишкан села, Ленин урем, 87 (фотон электронный вариантшым колтыман).

С. ВАСИЛЬЕВ, Мишкан да Бурай районласе военный комиссар.