Чоткар патырлан памятникым почмо

Чоткар патырлан памятникым почмо

Чоткар – марий патыр, Юлсер кундемыште, Корамас ялыште шочын. Тоштые‰ ой почеш, Чоткар марийын кугыжаже лийын. Тудо пеш виян улмаш. Иктат се‰ен кертын огыл тудым. Юлсер кундемыште Корамас ял воктене 2002 ийыште Чоткарлан чапкўым пыштыме. Ик жап гыч «Чоткар патыр» тўвыра да историй комплексым чо‰аш палемдыме.

3 ноябрьыште «Чоткар патыр» тўвыра да историй комплексын I этапшым почмо лўмеш пайрем эртен. Тушко 70 наре е‰ чумырген. Волжский районысо Нурмучаш ял воктене тачысе кечылан «Чоткар патыр» мландыште 12 кугу стендым шогалтен шуктымо. Тў‰ верым Чоткар патырлан памятник налын шогаш тў‰алеш. Стенд-влакым И. Кудрявцевын идейже да виктарен шогымыж почеш келыштарен сєрастарыме. А о‰ам прессоватлыме да буква-влакым возымо паша изижак огыл. Тидлан Волжск оласе «Арт-Союз» группо чот тыршен. Тиде кугу-кугу о‰аш марий калыкын, марий поэт да прозаик-влакын шочмо калыкнан эртыме корныжо, ончыкылык пўрымашыже, тачысе илыш тургымжо нерген мунло (ушан) ойсавыртыш-влакым возымо.

- Тиде комплекс Волжский районышто илыше-влаклан веле огыл, пўтынь марий калыклан ышталтеш, - ойла «Чоткар патыр» культурно-исторический проектлан негызым пыштыше Игорь Кудрявцев. – Тиде комплекс мемориальный ужаш ден самырык-влаклан ужаш гыч шогаш тў‰алеш.

Проектым мучаш марте 2020 ий ноябрь тылзыште шукташ палемдыме.

Эсен ЭЛАЙ.