Чодыраште сўмырлен кийыше пушеҥге ден вондерым еҥ-влак шкаланышт поген кертыт

Чодыраште сўмырлен кийыше пушеҥге ден вондерым еҥ-влак шкаланышт поген кертыт

- У закон почеш еҥ-влак шкаланышт чодыраште кийыше пушеҥге-влакым поген кертыт. Чыла тидыже законышто ончыктымо «валежник» манме умылымашке пура, - умылтара Рим Асхатович. - Мо вара тиде умылымашке пура? «Валежник» радамыш пундыш, комаралтше куэ шўм да моло пушеҥге шўм-влак, тодылалт вочшо вондер, кошкен шогалше тыгыде вондер, кож, пўнчє пўгыльмє-влак, регенче (моко), чодыраште йогышо лышташ, сўмырлышє пушеҥге-влак да молат пурат.

Тиде закон лекме деч ончыч чодыраште кийыше чыла пушеҥге, кукшо укш-влак пулан шотлалтыныт. Сандене нуным посна разрешений деч посна погаш да чодыра гыч лукташ йєн лийын огыл. Тыгай пушеҥгым чодыра гыч лукмаш шолыштмашлан шотлалтын. «Титакан» еҥ-влак административный але уголовный кодекс почеш мутым кученыт да коклан пеҥгыдын наказатлалтыныт.

У закон «валежник» радамыш тўтан мардеж годым сўмырлышє, кошкен сўмырлышє пушеҥге-влакым пурта. Но иктым мондыман огыл, йол ўмбалне шогышо пушеҥгым пўчкаш ок лий, тудо кеч кошкышо лиеш гынат, валежниклан ок шотлалт.

- «Сухостой» манме пушеҥгым «валежник» семын руаш лиеш мо?

- Уке, ок лий. Вет шогышо пушеҥгым, тудо сухостой – кошкышо пушеҥге улеш гынат, руымылан административный але уголовный кодекс почеш мутым кучаш перна. Южо еҥ тыгай пушеҥгым руышыжла шона: логалам гынат, штрафым тўлемат, пашаже пыта. Но тений гыч тидлан мут кучымаш пеҥгыдемын, пушеҥгым руымылан уголовный наказаний ок лий гынат, административный наказаний палын пеҥгыдемын: еҥ-влаклан 4 гыч 5 тўжем теҥге марте штраф пышталтеш да тыгодым руымо пушеҥге-влак поген налылтыт. Тыгак пушеҥгым руымо але пўчмє арвер конфисковатлалтыт. Должностной лицо-влаклан тыгай законым пудыртымылан 40 гыч 50 тўжем теҥге марте штраф пышталтеш да сўмырымє пушеҥге конфисковатлалтеш.