Башкортостаныште 2019 ийыште эн изи пашадар 13 тўжем теҥгеш изиш веле ок шу

Башкортостаныште 2019 ийыште эн изи пашадар 13 тӱжем теҥгеш изиш веле ок шу

Россий Президент Владимир Путин у пунчалым подписатлен, тудын дене келшышын, 2019 ийыште эн изи пашадарын (МРОТ) кугытшо 2018 ийын кокымшо кварталыштыже илен лекташ ситыше минимумын кугытшо марте кугемдалтеш да 11280 теҥге лиеш.

Башкортостаныште уральский коэффициент дене пырля эн изи пашадар 2019 ийыште 12972 теҥге марте арта.

Палемден кодена: Российыште тачысе кечылан эн изи пашадарын кугытшо – 11163 теҥге, а Башкортостаныште – 12837,45 теҥге.

БР-се еш, паша да калыкым социально аралыше министерствын пресс-службыжо.