+13 °С
Облачно
Увер
31 Декабря 2020, 21:00
Башкирийыште кокымшо мультиплекс тўрыснек колталтын
24 декабрьыште «РТПЦ Республики Башкортостан» РТРС-ын филиалжын специалистше-влак кокымшо мультплексын пытартыш передатчикше-влакым чўктеныт. Цифровой телесеть тичмаш куат дене пашам тўҥалын. Ынде 20 цифровой каналым республикыште илыше 95 процент еҥ-влак ончен кертыт.
Башкирийыште кокымшо мультиплекс тўрыснек колталтын
2015 ий гыч РТРС регионышто 216 вещаний объектым чоҥен. «Цифр» толмо деч ончыч республикыште илыше-влак ныл каналым гына ончен кертыныт. Единый информационный стандарт кугу олалаште илыше-влаклан да изи яллаште илыше-влаклан икгай условийым ыштен.
2018 ий гыч «Вести - Башкортостан» региональный программа «Россия 1», «Россия 24» да «Радио России» икымше мультиплексын каналлаштыже ончыкталташ тўҥалыныт. 3 июнь гыч регион тўрыснек цифровой технологийыш кусна, аналоговый вещаний йєрталтеш. Региональный телеканал-влак да мультиплекс составыш пурыдымо канал-влак аналоговый вещаний денак пашам ышташ тўҥалыт.
Ончышо-влаклан цифровой телевиденийын ойыртемже раш лиеш - качество моткоч сай, сўрет да йўк аналоговый деч ятырлан ойыртемалтыт, шуко каналым тугок ончаш лиеш. Кызыт лекше телевизор-влак цифровой телевиденийым ончыкташ тўрыснек келыштаралтыныт. Тидлан тушко пєлемысе але уремысе антенным гына ушыман. А телевизор тошто гын, тудлан посна приставкым налман. Утларак раш информацийым СМОТРИЦИФРУ.РФ сайтыште але федеральный шокшо линий телефон дене 8 800
200 20 02 налаш лиеш. Россий мучко звонок тугок.
Н. КОЛУПАЕВА.
