Башкирийысе тунемше-влак «Сеҥымашын историйже» акций кышкарыште ветеран-влак нерген фильмым возат

Башкирийысе тунемше-влак «Сеҥымашын историйже» акций кышкарыште ветеран-влак нерген фильмым возат

Кугу Отечественный сарыште сеҥымашлан 74 ий теммылан лӱмлалтше акцийышке кугурак класслаште, кыдалаш посна тунемме заведенийлаште тунемше-влак ушнен кертыт. Акцийым ямдылаш республика вуйлатышын пашажым жаплан шуктышо Р. Хабировын Каринэ ватыже полшен.

Акций годым ӱдыр-рвезе-влак ветеран-влак деке вашлиймашке мият да видеоинтервьюм ыштат. Тылеч вара БСТ-н командыже, нине материал-влакым чумырен, посна фильмым ямдыла. Фильм 9 майыште БСТ каналыште ончыкталтеш.

Акцийым БР-се образований министерство, еш, паша да калыкым социально аралыше министерство, печать да СМИ шотышто агентство, «Башкортостан» ТРК ГУП эртарат.

Акций БР-се калыкын Кугу Отечественный сар годсо подвигшым шарнымашеш кодаш виктаралтын. Республикыштына «Сеҥымашын историйже» видеархивым аралыше чумыр портал ышталтеш. Тыгак социальный сетьлаште виш группа-влак ышталтыт. Тушто сар дене кылдалтше историйым кажне еҥ вераҥден кертеш. Тунемше-влаклан фильмым возаш туныктышо-влак полшат. Акцийыште участвоватлаш келшыше 150 ветеранын адресшым кумылан-влак йодын налын кертыт.

Интервьюн геройжо Кугу Отечественный сарын ветеранже, нунын родо-шочшышт лийын кертыт. Фильмым возышо-влаклан ик посна заданий гына уло – нунылан видеоштым чумыр фильм телевизионный эфирышке лекме марте социальный сетьлаште вераҥдаш ок лий.

Акций нерген рашрак информацийым сайтыште але ВК группышто муаш лиеш.

«Башинформ» ИА.