+17 °С
Облачно
Увер
31 Декабря 2020, 21:00
«Башэлектросбытын» квитанцийыштыже у услуга лиеш
2019 ий гыч «Башэлектросбытын» квитанцийыштыже у услуга - шӱкшакым погымылан ешаралтеш. Ончычын управляющий компаний-влак шӱкшакым погымылан тӱлам илыме верым кучымылан колтымо квитанцийышке пуртеныт.
«Башэлектросбытын» квитанцийыштыже у услуга лиеш
Ончыч граждан-влак шўкшаклан пачерын чумыр площадьше мыняр квадратный метр улмо дене тӱленыт гын, ынде пачерыште мыняр еҥ илыме дене тӱлаш тӱҥалыт.
Тиде у йӧн «шӱк реформа» кышкарыште шыҥдаралтеш да ончыкыжым шӱкшакым ойыркален погымашке да тудым перерабатыватлымашке куснаш, закондымын ыштыме свалкылам пытараш, шӱкшакым мландыш тойымым иземдаш виктаралтын.
Шӱкшакым региональный оператор-влак погаш да погымылан оксам нунак налаш тӱҥалыт. Тўлан кугытшо Башкортостан Республикысе тариф шотышто государственный комитетын палемдыме нормыжо да региональный операторын услуга акше дене палемдалтеш.
«ЭСКБ» ООО «ДюртюлиМелиоводстрой» ООО региональный оператор дене агентский договорым ыштен.
Договорын условийже почеш «ЭСКБ» ООО-лан регоператор граждан-влак деч шӱкшакым погымылан мыняр тӱлам налшашым увертара. Варажым тиде сумма квитанцийыште ончыкталтеш. Тидлан лӱмын у графа пурталтеш. Икымше тыгай квитанцийым Башкирийыште илыше-влак 2019 ий февральыште налыт.
Акым уэш шотлаш, льготым да субсидийым налаш документ-влакым «Башэлектросбытын» клиентский офислашкыже пуаш лиеш.
Услугылан тариф нерген да регоператорын пашаже нерген уверым тыгак налаш лиеш: региональный оператор ООО «ДюртюлиМелиоводстрой», шокшо линий: 8-800-511-84-20, электронный почта - office@dmsrb.ru, регоператорын сайтше - dmsrb.ru.
Мишканысе клиентский офис (Мишкан села, Ленин урем, 104).
