+15 °С
Облачно
Увер
31 Декабря 2020, 21:00
Аралаш ышталтше организаций
Агропромышленный колледжыште Гражданский оборонын тӱнямбал кечыжлан лӱмлалтше мероприятий эртен.
Аралаш ышталтше организаций
Студент-влак дене вашлиймашке 87-ше пожарный частьын начальникше С. Вялов, район администрацийын ГО-ЧС-ын тӱҥ специалистше Д. Латыпов, рӱдӧ районный больницын ГО специалистше А. Гафуров толыныт.
Мероприятий тӱҥалтыште студент-влак- лан «МЧС России» документальный фильмым ончыктеныт. Варажым Сергей Юрьевич организацийым ыштыме историй дене палдарен:
- Кажне ийын 1 мартыште Гражданский оборонын тӱнямбал кечыже палемдалтеш. 1931 ийыште икмыняр элын инициативыже почеш француз генерал Жорж Сен-Поль Парижыште «Женевский зонын ассоциацийжым» - «лӱдыкшыдымӧ зоным» ыштен. Варажым тиде ассоциаций Гражданский оборонын тӱнямбал организацийышкыже савырнен. Тачысе жаплан тушко 50 государство пура, 16 государство наблюдатель статус дене шога. Россий МЧС Гражданский оборонын тӱнямбал организацийышкыже 1993 ийыште пурен, тиде организацийын постоянный секретариатыштыже представительже уло. Тиде организацийын эртарыме чыла мероприятийыштыже участвоватла. Российыште гражданский оборона кече 4 октябрьыште палемдалтеш, - каласен тудо шке выступленийыштыже.
Дамир Ринатович районысо МЧС-ын пашаже нерген, а Айрат Рифович - рӱдӧ районный больницын пашаже нерген ойленыт.
Венера АГЛЯМОВА.
